Viral Video: शाळा म्हटलं की, आपल्या प्रत्येकाच्या चेहऱ्यावर एक गोड हसू येतं, शाळेतले दिवस कधीही न विसरण्यासारखे असतात. शाळेत केलेला अभ्यास, मजा-मस्ती, भांडणं नेहमीच प्रत्येकाच्या आठवणींत घर करून राहतात. या जगात अशी एकही व्यक्ती नसेल, ज्याच्या शाळेशी जोडलेल्या काही आठवणी नसतील. शाळेतल्या गोड गमती-जमती आणि मित्र-मैत्रिणी, शिक्षकांनी शिकविलेल्या कविता, गोष्टी नेहमीच आपल्या स्मरणात असतात. परंतु, आता एका जिल्हा परिषदेच्या शाळेतील असा व्हिडीओ समोर आला आहे, जो पाहून तुम्हीही अवाक् व्हाल.
सोशल मीडियावर आपण अनेकदा शाळा किंवा कॉलेजमधील शिक्षकांचे शाळेत कविता शिकवितानाचे अनेक व्हिडीओ पाहिले आहेत. सोशल मीडियामुळे असे व्हिडीओ खूप चर्चेत येतात; परंतु आता जो व्हिडीओ व्हायरल होतोय, तो पाहून तुम्हीही आश्चर्यचकित व्हाल.
हा व्हिडीओ एका गावातील जिल्हा परिषदेच्या शाळेतील आहे. या व्हायरल व्हिडीओमध्ये तुम्ही पाहू शकता की, शाळेतील एका वर्गातून दोन विद्यार्थिनी अचानक बाहेर येतात आणि शाळेच्या आवारात लोळतात. त्यानंतर त्या उठून चालण्याचा प्रयत्न करतात; पण पुन्हा जमिनीवर कोसळतात. या व्हिडीओमध्ये दिसत असलेली घटना खरी आहे की खोटी हे स्पष्ट झालं नसलं तरी हा व्हिडीओ पाहून नेटकरी पोट धरून हसत आहेत.
हेही वाचा: ‘डान्स असावा तर असा…’ ‘गनी बावरी’ गाण्यावर केला जबरदस्त डान्स; VIDEO पाहून युजर्स करतायत कौतुक
पाहा व्हिडीओ:
या व्हिडीओवर आतापर्यंत पाच दशलक्षांहून अधिक व्ह्युज आणि अनेक लाइक्स मिळाल्या आहेत. तसेच यावर अनेक युजर्स कमेंट्सदेखील करीत आहेत.
या एका युजरनं लिहिलंय, “ही नाटकं आहेत.” दुसऱ्या युजरनं लिहिलंय, “अशा गोष्टी सरकारी शाळेतच पाहायला मिळतील.” तिसऱ्या युजरनं लिहिलंय, “त्यांची परीक्षा असेल म्हणून त्यांच्या अंगात भूत आलं.” आणखी एका युजरनं लिहिलंय, “बाकीचे किती घाबरलेत यांना पाहून.”
