‘आई कोणाचीही असो…’ गोठ्यात रडणाऱ्या चिमुकल्याबरोबर गाईनं काय केलं ते पाहाच; VIDEO व्हायरल

भारतात गाईला आई माणून तिची पूजा केली जाते. त्यामुळे गाईला गोमातादेखील म्हटलं जातं. गाय फक्त तिच्या वासरांनाच नाही, तर माणसांनाही आईसारखा जीव लावताना दिसते. काही वर्षांपूर्वी असा एक व्हिडीओ व्हायरल झाला होता, ज्यात एक चिमुकला गाईच्या अवतीभोवती खेळताना दिसला होता. यावेळी गायदेखील त्या चिमुकल्याला स्वतःच्या बाळाप्रमाणे जीव लावताना दिसली होती. दरम्यान, आतादेखील असाच एक व्हिडीओ व्हायरल होतोय; ज्यात गाय एक लहान बाळाबरोबर असं काहीतरी करताना दिसतेय, जे पाहून युजर्सही त्या दोहोंचं कौतुक करताना दिसत आहेत.

नक्की काय घडलं व्हिडीओमध्ये?

या व्हायरल व्हिडीओमध्ये तुम्ही पाहू शकता की, गोठ्यामध्ये एका गाईसमोर एक कपडा टाकून, त्यावर एका चिमुकल्याला झोपवण्यात आलं आहे आणि ती गायही चिमुकल्याला स्वतःजवळ ओढून जिभेनं चाटताना दिसत आहे. गाईनं बाळाला स्वतःकडे ओढून घेतल्यानंतर बाळाची आई त्याला पुन्हा आपल्याकडे घेते. त्यावर गाय पुन्हा बाळाला स्वतःजवळ घेऊन चाटते. गाईचं हे प्रेम पाहून युजर्स या व्हिडीओवर कमेंट्स करताना दिसत आहेत.

हा व्हिडीओ इन्स्टाग्रामवरील @sunehrigaay या अकाउंटवर शेअर करण्यात आला आहे. त्यावर आतापर्यंत ७१ दशलक्षांहून अधिक व्ह्युज आणि एक दशलक्षाहून अधिक लाइक्स मिळाल्या आहेत. तसेच त्यावर अनेक युजर्स कमेंट्स करताना दिसत आहेत.

हेही वाचा: ‘गावरान तडका…’ कधी गावच्या पारावर, तर कधी शाळेच्या आवारात मुलांनी केला जबरदस्त डान्स; VIDEO पाहून युजर्स करतायत कौतुक

पाहा व्हिडीओ:

युजर्सच्या कमेंट्स चर्चेत

या व्हिडीओवर कमेंट करीत एका युजरनं लिहिलंय, “आतापर्यंत पाहिलेला सर्वांत सुंदर व्हिडीओ.” दुसऱ्या युजरनं लिहिलंय, “छान बाळ आहे.” आणखी एकानं लिहिलंय, “हा व्हिडीओ कितीही छान असला तरीही बाळाची काळजी घ्यायला हवी.” आणखी एकानं लिहिलंय, “आईनं नीट लक्ष द्यायला हवं.”