Viral Video: समाजमाध्यमांवर आपण अनेक व्हिडीओ पाहतो. त्यातील काही व्हिडीओ कोणीतरी नकळत शूट केलेले असतात, जे खूप व्हायरल होतात आणि त्यावर लाखो व्ह्युजही मिळतात. अशा बऱ्याच व्हिडीओंपैकी काही सार्वजनिक ठिकाणांवरील, तर काही व्हिडीओ रस्त्यावरून जाणाऱ्या लोकांचे असतात. त्यात कधी अपघात, भांडण किंवा एखादी मजेशीर गोष्ट पाहायला मिळते. सध्या असाच एक गमतीशीर व्हिडीओ व्हायरल होतोय; ज्यात एका व्यक्तीने त्याच्या मुलाबरोबर असं काहीतरी केलंय की, जे पाहून तुम्हीही कपाळावर हात मारून घ्याल.
काही वडील आणि मुलाच्या नात्यामध्ये नेहमीच गमतीशीर किस्से पाहायला मिळतात. आईप्रमाणेच वडीलदेखील आपल्या मुलांना तळहाताच्या फोडाप्रमाणे जपतात. सोशल मीडियावर वडील आणि मुलाच्या नात्याचे व्हिडीओदेखील खूप व्हायरल होत असतात. त्यात कधी ते रील्स बनवताना तर कधी डान्स करताना वा गाणी म्हणताना, तसेच खेळतानादेखील दिसतात. सध्या असाचएक व्हिडीओ सोशल मीडियावर व्हायरल होतोय. पण त्यामध्ये असं काहीतरी पाहायला मिळतंय, जे पाहून तुम्ही अवाक् व्हाल.
नक्की काय घडलं व्हिडीओमध्ये?
या व्हायरल व्हिडीओमध्ये तुम्ही सुरुवातीला पाहू शकता की, बेडरूमचा दरवाजा उघडून एक व्यक्ती आतमध्ये येते तेव्हा समोरच्या बेडवर एका लहान मुलाला चिकटपट्टीनं बांधण्यात आलं असून, बाजूला त्याचे बाबा निवांत झोपल्याचे दिसत आहे. परंतु, बाबांच्या अंगावरचा टी-शर्ट फाडल्याचंही दिसत आहे. बहुतेक बाबांना त्रास दिल्यामुळे त्यांनी मुलाला चिकटपट्टीनं गुंडाळलेलं दिसत आहे. हा व्हिडीओ सध्या प्रचंड व्हायरल होतोय. अनेक युजर्स यावर एकापेक्षा एक कमेंट्स करत आहेत.
हा व्हिडीओ इन्स्टाग्रामवरील @xx_stylish_king या अकाउंटवरून शेअर करण्यात आला आहे. त्यावर आतापर्यंत एक दशलक्षांहून अधिक व्ह्युज आणि ३० हजारांहून अधिक लाइक्स मिळाल्या आहेत. तसेच या व्हिडीओवर अनेक युजर्स कमेंट्स करताना दिसत आहेत.
पाहा व्हिडीओ:
युजर्सच्या कमेंट्स चर्चेत
एका युजरनं लिहिलंय, “काय बाप बनशील रे तू.” दुसऱ्या युजरनं लिहिलंय, “मीपण असंच करणार माझ्या मुलाबरोबर.” तिसऱ्या युजरनं लिहिलंय, “याला फादर ऑफ द इयर द्यायला हवा.”आणखी एका युजरनं लिहिलंय, “माझा मुलगापण असाच आहे.”
दरम्यान, यापूर्वीदेखील वडील आणि मुलाचे अनेक व्हिडीओ व्हायरल झाले होते. एका व्हिडीओमध्ये पत्नीने मुलावर लक्ष ठेवायला सांगितल्यावर एक वडील मुलाच्या पायाला दोरी बांधून झोपी गेले होते. हा व्हिडीओ सोशल मीडियावर तुफान व्हायरल झाला होता.
