“आईशप्पथ, काय नाचतेस गं…”, ‘तू रमता जोगी’ गाण्यावर चिमुकल्यांनी केला जबरदस्त डान्स; VIDEO पाहून तुम्हीही कराल कौतुक

दररोज सोशल मीडियावर अनेक चांगल्या-वाईट घटनांचे व्हिडीओ आपल्या नजरेस पडतात, ज्यातील काही व्हिडीओ निरर्थक विषयांवर आधारित असतात. पण, अनेक युजर्स असेही असतात जे सोशल मीडियावर उत्तम दर्जाचे कंटेंट शेअर करतात. ज्यात सुंदर डान्स, संगीत, रेसिपी, लेखन अशा विविध गोष्टी आपल्याला पाहायला किंवा वाचायला मिळतात. सध्या असाच एक व्हिडीओ खूप व्हायरल होतोय, जो पाहून तुम्हीही कौतुक कराल.

या व्हायरल व्हिडीओमध्ये तुम्ही पाहू शकता, दोन लहान मुली ‘तू रमता जोगी’ या गाण्यावर जबरदस्त डान्स करताना दिसत आहेत. यावेळी दोघींच्या डान्स स्टेप्स आणि चेहऱ्यावरचे एक्स्प्रेशन्स पाहून नेटकरी अवाक् झाले आहेत. सध्या या दोघींचा हा व्हिडीओ सोशल मीडियावर खूप व्हायरल होत आहे.

हेही वाचा: “जगण्यासाठी रोज नवा संघर्ष…” भुकेने व्याकूळ झालेल्या चित्त्याने हरणावर हल्ला करण्यासाठी लढवली युक्ती; चित्तथरारक Video एकदा पाहाच

पाहा व्हिडीओ:

हा व्हायरल व्हिडीओ इन्स्टाग्रामवरील @barkat.arora या अकाउंटवर शेअर करण्यात आला असून यावर आतापर्यंत जवळपास पस्तीस मिलियनहून अधिक व्ह्यूज आणि दोन मिलियनहून अधिक लाइक्स मिळाल्या आहेत. तसेच अनेक युजर्स यावर कमेंट्स करताना दिसत आहेत. त्यातील एका युजरने कमेंटमध्ये लिहिलंय की, “आईशप्पथ… काय नाचल्या या दोघी”, तर दुसऱ्या युजरने लिहिलंय की, “दोघींचे एक्स्प्रेशन्स जबरदस्त आहेत.” तर तिसऱ्याने लिहिलंय की, “कमाल डान्स करतायत”, तर आणखी अनेक युजर्स दोघींचे कौतुक करताना दिसत आहेत.