Viral Video: सोशल मीडियामुळे सतत विविध गाणी व्हायरल होताना आपण पाहतो. त्यातील काही गाणी नवीन, तर काही जुनी गाणीदेखील असतात. रील्समुळे गाणी चर्चेत येण्याचे प्रमाण वाढले आहे. इतर भाषांतील गाण्यांप्रमाणेच मराठी गाण्यांचीही लोकप्रियता दिवसेंदिवस वाढत चालली आहे. अगदी आताच्या गुलाबी साडी, बहरला मधुमास, आप्पाचा विषय हार्ड आणि तांबडी चामडी अशा अनेक नवीन गाण्यांनी लोकांना भुरळ घातली आहे. त्यावर मराठी युजर्ससह बॉलीवूडमधील कलाकार, परदेशांतील लोकही थिरकताना दिसतात. दरम्यान, आता मागील काही दिवसांपूर्वी प्रदर्शित झालेल्या फुलवंती या मराठी चित्रपटातील ‘मदनमंजिरी’ गाणं खूप चर्चेत आहे. ज्यावर या व्हिडीओतील चिमुकली डान्स करताना दिसत आहे.
अनेक लहान मुलांना अभिनय, नृत्य या क्षेत्रांत आपलं नाव मोठं करायचं आहे. रील्समुळे हे प्रमाण दिवसेंदिवस वाढत चाललं आहे. पूर्वी लहान मुलांना मोठेपणी तुम्ही काय होणार, हे विचारल्यावर मुलं डॉक्टर, वकील, शिक्षक, पोलिस अशी उत्तरं द्यायची. पण, हल्लीची मुलं, अभिनेत्री किंवा रील्स स्टार, यूट्युबर व्हायचंय, असं सांगतात. सोशल मीडियावर लहान मुलांच्या अभिनयाचे अनेक सुंदर व्हिडीओ व्हायरल होत असतात. आतादेखील असाच एक व्हिडीओ खूप चर्चेत आला आहे.
या व्हिडीओमध्ये तुम्ही पाहू शकता, एका लहान मुलीने लाल रंगाची नऊवारी साडी नेसली असून ती यावेळी ‘मदनमंजिरी’ या गाण्यावर लावणी करताना दिसतेय. तिच्या लावणीसह यावेळी तिच्या चेहऱ्यावरील एक्स्प्रेशन्सही पाहण्यासारखे आहेत. चिमुकलीचा या लावणीवरील ठेका पाहून नेटकरीही अवाक् झाले आहेत. सध्या तिचा हा व्हिडीओ सोशल मीडियावर खूप व्हायरल होत असून, नेटकरीही त्यावर अनेक कमेंट्स करताना दिसत आहेत.
पाहा व्हिडीओ:
हा व्हिडीओ इन्स्टाग्रामवरील @star_dance_studio_04 या अकाउंटवरून शेअर करण्यात आला आहे. त्यावर आतापर्यंत जवळपास ७० हजाराहून अधिक व्ह्युज आणि हजारांहून अधिक लाइक्स मिळाल्या आहेत. त्याशिवाय यावर अनेक युजर्सही कमेंट्स करताना दिसत आहेत. एका युजरने लिहिलेय, “खूप छान करतेस.” दुसऱ्या युजरने लिहिलेय, “खूप सुंदर बाळा अशीच प्रगती कर” आणखी एकाने लिहिलेय, “व्वा! खूपच सुंदर व्हिडीओ.”
