Viral Video: लहान मुलं कधी काय करतील हे कोणीही सांगू शकत नाही. अनेकदा ते मोठ्यांचे अनुकरण करण्याचा प्रयत्न करतात. ज्यात कधी ते मोठ्यांप्रमाणे वागतात, बोलतात तर कधी असं काहीतरी करतात, जे पाहून आपल्याला आश्चर्याचा धक्का बसतो. यामध्ये अनेकदा ते स्वतःच्या सुरक्षेचा विचार न करता स्वतःवर संकट ओढवून घेतात. नुकत्याच व्हायरल होत असलेल्या व्हिडीओमध्ये असंच काहीतरी पाहायला मिळत आहे, ज्यातील दोन लहान मुली असं काही करत आहेत जे पाहून अनेकांच्या भुवया उंचावल्या आहेत.
समाजमाध्यमांवर हल्ली आपण विविध प्रकारचे व्हायरल व्हिडीओ पाहतो. यातील काही व्हिडीओ आपल्या कल्पना शक्तीच्या पलीकडचे असतात, कारण या व्हिडीओंमध्ये आपल्याला असं काहीतरी पाहायला मिळतं, ज्याची आपण कधी कल्पनाही केलेली नसते. आता व्हायरल होत असलेल्या व्हिडीओमध्येही असंच काहीतरी पाहायला मिळत आहे, जे पाहून नेटकरीही शॉक झाले आहेत.
या व्हायरल व्हिडीओमध्ये तुम्ही पाहू शकता, तीन लहान मुली एका ठिकाणी बाईक घेऊन येतात. त्यातील सर्वात मोठी मुलगी तिच्याबरोबर असलेल्या दोघींना उचलून बाईकच्या मागच्या सीटवर बसवते आणि स्वतः पुढे बसून बाईक सुरू करण्याचा प्रयत्न करते. बरेच प्रयत्न केल्यानंतर बाईक सुरू होते आणि ती इतर दोघींना घेऊन बाईकवरून पसार होते. एवढ्या लहान वयात चिमुकल्या मुलींची ही करामत पाहून तुम्हीही कपाळावर हात मारून घ्याल.
हा व्हिडीओ यूट्यूबवरील @status__media_01 या अकाउंटवर शेअर करण्यात आला असून या व्हिडीओवर आतापर्यंत तीन लाखांहून अधिक व्ह्यूज मिळाल्या असून यावर हजारो लाइक्स मिळाल्या आहेत. तसेच या व्हिडीओवर अनेक युजर्स कमेंट्स करतानादेखील दिसत आहेत.
पाहा व्हिडीओ:
एकाने लिहिलंय की, या दोघींना आपल्या मोठ्या बहिणीवर किती विश्वास आहे, तर दुसऱ्या एकाने लिहिलंय की, “या वयात मला काही कळतपण नव्हतं.” तर तिसऱ्याने लिहिलंय की, “बस, आता हेच बघायचं राहिलं होतं”, तर आणखी एका युजरने लिहिलंय की, म्हणून सांगतो लहान मुलांवर लक्ष ठेवा.”
