निसर्गाने अनेक सुंदर रहस्ये आपल्या आत दडवून ठेवली आहेत, जी वेगवेगळ्या रहस्यांचा उलगडा करत असते. हे पाहून मन आश्चर्याने भरून जातं. नुकतंच सोशल मीडियावर व्हायरल होत असलेल्या या मंडारीन बदकाकडे बघा, जे पाहून सगळेच आश्चर्यचकित झाले आहेत. व्हायरल होत असलेला हा व्हिडीओ पाहून जणू काही एखाद्या रबराचं खेळणं आहे की काय असा भास होऊ लागतो. वेगवेगळ्या रंगांच्या वेगवेगळ्या छटा कॅनव्हासवर विखुरल्या गेल्या आहेत. पण हे कोणत्याही रबराचं खेळणं नसून खराखुरा मंदारिन बदक आहे.
हा बदक चीन, जपान, कोरिया आणि रशियातील काही भागांमध्ये आढळून येतो. या व्हिडीओमध्ये मंदारिन बदकाची एक झलक तुमचेही मन जिंकेल. अत्यंत दुर्मिळ असल्यामुळे या सुंदर पक्ष्याबद्दल लोकांना फारशी माहिती नाही. असे म्हणतात की, त्यांचे पंख इतके मजबूत असतात की ते उडून झाडापर्यंत पोहोचू शकतात. हे केशरी बदक पूर्व आशियात आढळते. ही बदके झाडाच्या माथ्यावर विसावतात. त्यांचा आकार ४१ ते ४९ सेंमी आणि शेपटासह ६५ ते ७५ सेमी आहे. हे उत्तर अमेरिकेतील वुड डकचे जवळचे नातेवाईक आहे.
मंदारिन बदके दिसायला खूप आकर्षक आणि सुंदर असतात. विशेषत: नर बदक त्याच्या सौंदर्यामुळे दुरूनच ओळखता येते. नर बदके मादीपेक्षा जास्त रंगीबेरंगी असतात. हे पक्षी भारतात क्वचितच दिसतात. मंदारिन बदक तिनसुकिया जिल्ह्यातील रंगागोरा भागात डिब्रू नदीच्या काठावर शेवटचे दिसले होते. याचा व्हिडीओ पाहून लोक आकर्षीत होऊ लागले आहेत.
इथे पाहा हा व्हायरल व्हिडीओ :
हा व्हिडीओ gunsnrosesgirl3 नावाच्या ट्विटर अकाउंटवरून शेअर करण्यात आलाय. हा व्हिडीओ लोकांना इतका आवडू लागलाय की आतापर्यंत या व्हिडीओला १.२ मिलियन इतके व्ह्यूज मिळाले आहेत. तर २७ हजारांपेक्षा जास्त लोकांनी या व्हिडीओला लाईक केलंय. लोक या व्हिडीओवर वेगवेगळ्या प्रतिक्रिया देताना दिसून येत आहेत. एका यूजरने लिहिले, ‘व्वा जवळजवळ अवास्तव दिसते! सुंदर!’ दुसर्‍या युजरने म्हटले, ‘हे खरोखरच अप्रतिम आणि नेत्रदीपक आहे.’ तिसरा यूजर म्हणाला, ‘हा सर्वात सुंदर पक्षी आहे, किती रंगीबेरंगी आहे.’ चौथ्या यूजरने लिहिले, ‘तुम्ही जितके जास्त पाहाल तितके कमीच आहे. हे मंदारिन बदके, तुम्ही त्यांच्यात जितके जास्त मग्न व्हाल.”
