Ricky Pond Dance Viral Video: भारताचा ७८ वा स्वातंत्र्य दिवस काल पार पडला असून, त्यानिमित्त अनेकांनी खास पोस्ट शेअर केल्या. त्यामध्ये काहींनी स्वातंत्र्य दिनानिमित्त काही चांगले संदेश दिले, तर काहींनी देशभक्तीवर आधारित गाण्यांवर डान्स केला. सध्या सोशल मीडियावर असाच एक डान्सचा व्हिडीओ व्हायरल होत आहे. त्यात एक परदेशातील प्रसिद्ध इन्स्टाग्राम इन्फ्लुएन्सर ‘कहते है हमको इंडिया वाले’ या गाण्यावर डान्स करताना दिसत आहे. हा व्हिडीओ सोशल मीडियावर सध्या खूप व्हायरल होत आहे.
समाजमाध्यमांवर व्हायरल होणाऱ्या भारतीय गाण्यांवर नेहमीच परदेशांतील लोकही थिरकत असतात. सोशल मीडियावर प्रचंड चर्चेत असणारे इन्स्टाग्राम इन्फ्लुएन्सर रिकी पाँडही भारतातील अनेक गाण्यांवर सातत्याने नवनवीन रील्स बनवीत असतात. अनेक भारतीय त्यांना फॉलोदेखील करतात. काही दिवसांपूर्वी त्यांनी गुलाबी साडी, तौबा तौबा, सुसेकी अशा विविध भारतीय गाण्यांवर डान्स केला होता. दरम्यान, आता भारताच्या स्वातंत्र्य दिनानिमित्त त्यांनी ‘कहते है हमको इंडियावाले’ या गाण्यावर डान्स केला आहे.
या व्हायरल व्हिडीओमध्ये पाहू शकता की, समाजमाध्यमांवर प्रसिद्ध असलेला ‘डान्सिंग डॅड’ ऊर्फ रिकी पाँड यांनी हॅप्पी न्यू इयर या बॉलीवूड चित्रपटातील ‘कहते है हमको इंडिया वाले’ या गाण्यावर जबरदस्त डान्स करत आहे. यावेळी या व्हिडीओमध्ये त्यांच्यासह एक तरुणही थिरकताना दिसत आहे. यावेळी ते गाण्यातील प्रत्येक स्टेप अगदी हुबेहूब करीत आहेत. त्याशिवाय त्यांच्या चेहऱ्यावरील हावभावदेखील खूप सुंदर आहेत.
पाहा व्हिडीओ:
हा व्हिडीओ इन्स्टाग्रामवरील @ricky.pond या अकाउंटवरून शेअर करण्यात आला आहे. या गाण्याला आतापर्यंत दोन मिलियनहून व्ह्युज आणि दोन लाखांहून अधिक लाइक्स मिळाल्या आहेत. तसेच यावर युजर्स अनेक कमेंट्स करतानाही दिसत आहेत. त्यावर एकाने लिहिलेय, “सुंदर डान्स.” दुसऱ्या एकाने कमेंटमध्ये लिहिलेय, “भारताकडून तुम्हाला खूप प्रेम.” आणखी एकाने लिहिलेय, “एकदम जबरदस्त डान्स केला.” तर आणखी एकाने लिहिलेय, “स्वातंत्र्य दिनाच्या शुभेच्छा, लवकर भारतात या.”
दरम्यान, समाजमाध्यमांवर सेलिब्रिटी किली पॉलनेही भारताच्या स्वातंत्र्य दिनानिमित्त शुभेच्छा दिल्या आहेत. तसेच इतर अनेक परदेशी कलाकारांनीही भारतीयांना स्वातंत्र्य दिनाच्या शुभेच्छा दिल्या आहेत.
