Viral Video : सोशल मीडियावर गाडीच्या मागे लिहिलेल्या मेसेजचे अनेक व्हिडीओ व्हायरल होतात. कधी हे मेसेज वाचून पोट धरून हसायला येते तर कधी हे मेसेज थक्क करणारे असतात. सध्या असाच एक व्हिडीओ समोर आला आहे. हा व्हिडीओमध्ये एका ट्रकच्या मागे लिहिलेला मेसेज दिसत आहे. हा मेसेज वाचून तुम्हाला हसू आवरणार नाही. आता तुम्हाला प्रश्न पडला असेल की या ट्रकवर नेमका कोणता मेसेज लिहिला आहे. त्यासाठी तुम्हाला हा व्हिडीओ पाहावा लागेल. (Viral Video Truck Driver’s Hilarious Message on Truck Pati)
ट्रक चालकाचा भन्नाट मेसेज
या व्हायरल व्हिडीओमध्ये तुम्हाला एक ट्रक दिसेल. या ट्रकच्या मागे एका मोठ्या पाटीवर भलामोठा मेसेज लिहिला आहे. हा मेसेज पाहून तु्म्हीही थक्क व्हाल. या पाटीवर लिहिलेय, “इतनी ही जल्दी है तो फिर हवाई जहाज मे सवारी कर बार बार हॉर्न बजाकर दिमाग मत खराब कर” ( मराठी : एवढीच घाई असेल तर विमानातून प्रवास कर वारंवार हॉर्न वाजून डोकं खराब करू नको) ट्रक वर दिसत असलेल्या नंबर प्लेटवरून हा ट्रक मध्यप्रदेश येथील इंदोर येथील असल्याचे दिसून येत आहे.
पाहा व्हायरल व्हिडीओ (Viral Video)
kem_cho_rajkotiyans या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “काहीही म्हणा, भावाने एकनंबर लिहिलेय.” तर एका युजरने लिहिलेय, “मध्यप्रदेशातील लोक असेच असतात सर्वांचे डोकं खराब करतात.” आणखी एका युजरने लिहिलेय, “इंदोरवाले काहीही करू शकतात.” एक युजर लिहितो, “१०० टक्के खरं आहे.” अनेक युजर्सनी या व्हिडीओवर हसण्याचे इमोजी शेअर केले आहेत.
यापूर्वी ही असे अनेक व्हिडीओ व्हायरल झाले आहेत. काही दिवसांपूर्वी नागपूरचा एक व्हिडीओ व्हायरल झाला होता. त्या व्हिडीओमध्ये एका कारच्या मागच्या काचेवर वडीलांवर आधारित मेसेज लिहिला होता. त्या काचेवर लिहिले होते, “नवस न करता पावणारा देव म्हणजे वडील” हा व्हिडीओ नेटकऱ्यांच्या खूप पसंतीस उतरला होता.
