VIRAL VIDEO : शेवटी आईचं काळीज! मुलाला वाचवण्यासाठी सुपरमॉम कारच्या हुडला चिटकून राहिली! | viral video unflinching new mexico mom clings to car hood to save her children from being kidnapped prp 93

या व्हिडीओमध्ये अपहरण होण्यापासून आपल्या मुलाला वाचवण्यासाठी आईने चक्क कारवर उडी घेत हुडला चिटकून राहिली.

(Photo: Youtube/ ABC7 )

म्हणतात ना आई ती आईच असते शेवटी…आई ज्याप्रमाणे आपल्या मुलांवर प्रेम करते, तसं प्रेम कुणीही करू शकत नाही. आपली मुलं जेव्हा संकटात असतात तेव्हा तिच्या अंगात कुठून बळ येतं आणि ती आपल्या मुलांना संकाटपासून वाचवण्यासाठी जीवाचं अगदी रान करते. असं म्हणतात, देव सगळ्याच ठिकाणी मदतीसाठी धावून येऊ शकत नाही म्हणूनच देवाने आईची निर्मीती केली. आई आपल्या मुलासाठी काय करू शकते, याचा प्रत्यय देणारा एक व्हिडीओ सध्या सोशल मीडियावर प्रचंड व्हायरल होऊ लागलाय. या व्हिडीओमध्ये अपहरण होण्यापासून आपल्या मुलाला वाचवण्यासाठी आईने चक्क कारवर उडी घेत हुडला चिटकून राहिली. या घटनेचा व्हिडीओ सध्या सोशल मीडियावर प्रचंड व्हायरल होऊ लागलाय.

मेलोडी माल्डोनाडो नावाची महिला ही न्यू मेक्सिको येथे राहते. तिला एक मुलगी आण एक मुलगा आहे. तिने तिची पांढऱ्या रंगाची Hyundai Santa Fe न्यू मेक्सिकोमधील एका कन्व्हिनियन्स स्टोअरच्या बाहेर पार्क केली होती. तिने तिची सहा वर्षांची मुलगी आणि ११ महिन्यांच्या मुलाला गाडीत ठेवून दुकानात गेली होती. तिथे असलेल्या काही अपहरणकर्त्यांनी ही महिला दुकानातून परत येत असताना तिला ढकलले आणि तिची कार घेऊन पळून जाण्याचा प्रयत्न केला. मात्र या आईने स्वतःचा जीव धोक्यात घालून चक्क कारवर उडी घेत त्यांचा पाठलाग करण्याचा प्रयत्न केला. यात ती एका सुपरमॉमप्रमाणे कारच्या हुडलाच पकडून कारवर चिटकून राहिली.

आणखी वाचा : चपाती बनवताना महिलेने जे गाणं गायलंय ते ऐकून तुमचं मन प्रसन्न होईल, पाहा VIRAL VIDEO

अपहरणकर्त्यांनी अतिशय वेगात तिची कार पळवण्याचा प्रयत्न केला. पण ही आई कारच्या हुडलाच पकडून राहिली. बराच वेळी आईने कारच्या हुडला पकडून त्यांचा पाठलाग केला, पण काही वेळाने ती कारवरून खाली पडली. त्यानंतरही या आईने हार मानली नाही आणि ती परत दुकानात पळत गेली. तिथे एका अकाउंटंटला पोलिसांना कॉल करायला सांगितले, तिची कार पळवून नेली याची तिला काहीच पर्वा नव्हती. पण त्या कारमध्ये तिची मुलं बसलेली होती म्हणून तिचा जीव अडकला होता. हॉब्स पोलिसांनी अखेर तिची कार शोधून काढली.

आणखी वाचा : ट्रकचा हॉर्न वाजताच रस्त्यावर लोळत नागिन डान्स करू लागले तरूण, VIRAL VIDEO पाहून पोट धरून हसाल

इथे पाहा हा व्हायरल व्हिडीओ :

आणखी वाचा : VIRAL VIDEO : एक दोन नव्हे तर तब्बल २७ जण रिक्षामध्ये बसले होते, पाहून पोलीस सुद्धा चक्रावले

पोलीस आपला पाठलाग करत असल्याचे कळल्यानंतर अपहरणकर्त्यांनी तिची कार व मुले सोडून पळ काढला. अखेर पोलिसांनी आरोपीला पकडले. पोलिसांनी सांगितले की, त्यांच्या विरोधात आधीच तीन अटक वॉरंट आहेत. ही सर्व घटना रस्त्यावरील सीसीटीव्ही कॅमेऱ्यात कैद झाली. याचा व्हिडीओ सध्या सोशल मीडियावर मोठ्या प्रमाणात व्हायरल होऊ लागलाय.

या व्हिडीओमधील सुपरमॉमचं नेटकऱ्यांकडून कौतुक करण्यात येतंय. असं म्हणतात की, आईकडून तिच्या मुलांना कुणीही हिरावून घेऊ शकत नाही. मग समोर यमराज जरी उभा असला तरी. अगदी अशाच भावना हा व्हायरल व्हिडीओ पाहिल्यानंतर मनात आल्याशिवाय राहत नाही.

First published on: 11-07-2022 at 19:36 IST

Web Title: Viral video unflinching new mexico mom clings to car hood to save her children from being kidnapped prp