Wedding Photoshoot Viral Video: अलीकडे अनेक सिनेमांमध्ये, मीम्स मध्ये आपणही पाहिले असेल की, लग्नाचा मूळ हेतू बाजूला सोडून फोटोशूट, रील बनवणे आणि जेवण हेच तीन मुख्य भाग ठरले आहेत. लग्नाच्या दिवशीचे सोडा पण लग्नाआधीच प्री- वेडिंग, प्री- साखरपुडा, प्री- हळद, संगीत एक ना दहा प्रकारचे फोटोशूट पार पडतात आणि मग लग्नांनंतर काही वर्ष पोस्ट करता येतील इतका फोटोचा खजिना जमल्यावर मगच मूळ सोहळा साजरा होतो. आता हे फोटो हटके असावे यासाठी प्रत्येक जोडपं प्रयत्न करत असतं. कधी समुद्रात, कधी कमळाच्या तलावात कधी तर पार झाडावर बसून शूट केल्याचे उदाहरण कित्येकदा व्हायरल झाले आहे पण यावेळेस चक्क एका नवरीने रस्त्यावर उतरून अशी काही कमाल केली की तिच्या धाडसाचे आणि हटके कल्पनेचे खूप कौतुक होत आहे.
आपण व्हायरल होणाऱ्या व्हिडिओमध्ये पाहू शकता की, लाल साडी आणि भरजरी दागिने परिधान करून एक नववधू खड्डे पडलेल्या रस्त्यावर चालत आहे. काही खड्डे तर पार गढूळ पाण्याने भरलेले आहेत. या क्लिपमध्ये तिची धडपड व तरीही ग्रेसफुल सुंदर पोझ पाहून नेटकरी भलतेच खुश झाले आहेत.
Arrow_weddingcompany या इंस्टाग्राम हँडलने या भन्नाट शूटचे फोटो आणि व्हिडिओ पोस्ट केले आहेत. व्हिडिओसोबत, “रस्त्याच्या मधोमध वधूचे फोटोशूट” असे कॅप्शन लिहिले आहे. आतापर्यंत या व्हिडिओला इंस्टाग्रामवर ४३ लाख व्ह्यूज आणि ३७ हजाराहून अधिक लाईक्स मिळाले आहेत. खरंतर रस्त्यांची दयनीय अवस्था दाखवण्यासाठी लग्नाच्या निमित्ताने हे हटके शूट केल्याचे या वधूने म्हंटले आहे.
Gautami Patil Dance Video: लावणीच्या नावावर अश्लील चाळे; गौतमी पाटीलला पाहून भडकले नेटकरी अन मग..
पाहा खड्ड्यात फोटोशूट
Video: पदवीप्रदान सोहळयात स्टेजवर जाताच विद्यार्थी कोसळला… मग जे केलं ते पाहून शिक्षकही हैराण
दरम्यान, ९ ऑगस्ट रोजी, केरळ उच्च न्यायालयाने भारतीय राष्ट्रीय महामार्ग प्राधिकरण (NHAI) ला त्यांच्या नियंत्रणाखालील प्रत्येक रस्ता सध्याच्या सवलतीधारकांद्वारे किंवा नवीन कंत्राटदारांद्वारे दुरुस्त करण्यासाठी देण्याचे निर्देश दिले. राष्ट्रीय महामार्गावरील खड्ड्यात पडून एका व्यक्तीचा मृत्यू झाल्याचे अॅमिकस क्युरी यांनी न्यायालयाच्या निदर्शनास आणून दिल्यानंतर यासंदर्भात याचिकांवर सुनावणी घेण्यात आली होती.
