Funny video: सोशल मीडियावर सातत्याने बहुविध प्रकारचे व्हिडीओ व्हायरल होत असतात. त्यात अनेकदा प्राण्यांचे व्हिडीओदेखील मोठ्या प्रमाणात पाहायला मिळतात. या व्हिडीओंमध्ये कधी काही हिंस्र प्राणी इतर प्राण्यांची शिकार करताना दिसतात; तर कधी प्राणी एकमेकांसोबत खेळताना दिसतात. असे व्हिडीओ सोशल मीडियावर क्षणार्धात लाखो व्ह्युज मिळवतात. अशातच आता एका श्वानाचा गमतीशीर व्हिडीओ व्हायरल होतोय, ज्यात तो असं काहीतरी करताना दिसतोय जे पाहून तुम्हालाही हसू येईल.
झोप अनेकांना खूप प्रिय असते. काही जण तर दिवसाढवळ्या काम करता करताही पेंगताना दिसतात. आजपर्यंत तुम्ही अशा अनेक लोकांना पाहिलं असेल. पण, आता व्हायरल होत असलेल्या व्हिडीओमध्ये चक्क एक श्वान पेंगताना दिसतो. मात्र, त्याच्याबरोबर यावेळी असं काही होतं, जे पाहून तुम्ही पोट धरून हसाल.
या व्हायरल व्हिडीओमध्ये तुम्ही पाहू शकता की, एका दुकानाबाहेर एक श्वान निवांत बसला असून, बसल्या बसल्या तो पेंगायला सुरुवात करतो. मग श्वानाला डुलकी लागते आणि तो जागीच पडतो. श्वान जागेवर पडल्यामुळे तो भानावर येतो आणि कोणी आपल्याला पाहिले, तर हे पाहतो. श्वानाचा हा मजेशीर व्हिडीओ सध्या खूप व्हायरल होत आहे.
हा व्हिडीओ इन्स्टाग्रामवरील @puppylove_in या अकाउंटवरून शेअर करण्यात आला आहे. या व्हिडीओवर आतापर्यंत दशलक्षांमध्ये व्ह्युज आणि तीन लाखांहून अधिक लाइक्स मिळाल्या आहेत. तसेच यावर अनेक युजर्स कमेंट्स करतानाही दिसत आहेत.
पाहा व्हिडीओ:
एका युजरने कमेंटमध्ये लिहिलेय, “खूपच मजेशीर.” तर दुसऱ्या युजरने लिहिलेय, “हा जगातील सर्वांत अविश्वसनीय प्राणी आहे.” तर तिसऱ्या व्यक्तीने लिहिलेय, “यालाही आपल्यासारखी पेंग येते.” तर आणखी एकाने लिहिलेय, “झोपाळू श्वान.”
दरम्यान, यापूर्वीदेखील काही श्वानांचे अनेक गमतीशीर व्हिडीओ खूप व्हायरल झाले होते; त्यात एक श्वान त्याच्या मालकिणीला चकवा देऊन पावसात भिजण्यासाठी जातो. तर, आणखी एका व्हिडीओमध्ये एक श्वान चिकन पाहून डान्स करताना दिसला होता. तसेच आणखी एका व्हिडीओमध्ये एक श्वान चक्क ‘कॅट वॉक’ करताना दिसला होता.
