Viral Video: देशातील अनेक राज्यांमध्ये सध्या मुसळधार पाऊस कोसळत आहे. या मुसळधारेमुळे बऱ्याच शहरांमध्ये रेड अलर्ट, ऑरेंज अलर्ट जारी करण्यात आला असून, अनेक पर्यटनस्थळांवर जाण्यासाठी बंदी घालण्यात आली आहे. पण, अनेक जण जोरदार पाऊस असूनही पावसाच्या दिवसात धबधब्यांवर भिजण्यासाठी जाऊन मजामस्ती करताना दिसतात. अशा ठिकाणी गेल्यावर कित्येक जण धोका पत्करून रील बनविण्यातही मग्न झाल्याचेही पाहायला मिळते. काही दिवसांपूर्वी समोर आलेल्या अनेक घटनांमध्ये धबधब्यांवर भिजता भिजता अचानक वाढणाऱ्या पाण्याच्या प्रवाहामुळे काहींना जीवही गमवावा लागला आहे. अशा अनेक घटनांदरम्यानचे अनेक व्हिडीओदेखील सोशल मीडियावर व्हायरल झाले होते. सध्या असाच आणखी एक व्हिडीओ व्हायरल होतोय; जो पाहून नेटकरी संताप व्यक्त करताना दिसत आहेत.
महाराष्ट्रातील बऱ्याच जिल्ह्यांमध्ये पावसाचा हाहाकार पाहायला मिळत आहे. पण, काही तरुण मंडळी पावसाच्या पाण्यात उतरून रील्स बनविताना दिसत आहेत; तर अनेक जण स्वतःच्या जीवाची पर्वा न करता, नदीच्या पाण्यात उड्या मारत आहेत. काही जण धबधब्यांवर जाऊन मजामस्ती करताना दिसत आहेत. काही दिवसांपूर्वी धबधब्यावरील एका तरुणाचा एक व्हिडीओ व्हायरल झाला होता, ज्यात त्याचा दगडावरून पाय घरसला होता. आता पुन्हा असाच एक व्हिडीओ व्हायरल होतोय, जो पाहून युजर्स संताप व्यक्त करीत आहेत.
नक्की व्हिडीओ काय घडलं? (Viral Video)
या व्हायरल व्हिडीओमध्ये तुम्ही पाहू शकता की, एक तरुण धबधब्याच्या ठिकाणी जातो, यावेळी दुसरा एक जण मागून त्याचा व्हिडीओ शूट करीत आहे. पण, धबधब्याजवळ जाता जाता एका तरुणाचा पाय अचानक एका दगडावरून घसरतो आणि त्याच दगडावरून घसरत घसरत तो पाण्यात पडतो. यावेळी कदाचित त्या तरुणाच्या पोटाला खरचटल्याचे दिसत आहे. हा व्हिडीओ सोशल मीडियावर खूप चर्चेत आहे.
हा व्हिडीओ इन्स्टाग्रामवरील @pubity या अकाउंटवरून शेअर करण्यात आला आहे. त्यावर आतापर्यंत १२ दशलक्षांहून अधिक व्ह्युज आणि चार लाख लाइक्स मिळाल्या आहेत. तसेच अनेक युजर्स त्यावर कमेंट्सही करताना दिसत आहेत.
पाहा व्हिडीओ:
युजर्सच्या कमेंट्स चर्चेत
एका युजरने या व्हिडीओवर लिहिलेय, “खूप लागलं असणार याला.” दुसऱ्या युजरने लिहिलेय, “रीलच्या नादात काहीही होऊ शकते.” तिसऱ्या युजरने लिहिलेय, “त्याला वाचवायचं सोडून शूट काय करतोयस.” तर आणखी एकाने लिहिलेय, “अशा लोकांबरोबर असंच व्हायला हवं.”
