पाणी हे जीवन आहे, ‘पाण्यासाठी कधी कोणाला नाही म्हणू नये’ हे वाक्य लहानपणापासून अनेकदा आपण ऐकलं असेल. घरात पाहुणे आले किंवा एखादा व्यक्ती पार्सल घेऊन आणि तो दमलेला दिसला, तर आपण लगेच त्याला एक ग्लास पाणी देतो. एखाद्या दिवशी घरात पाणी आलं नाही तर आपल्या सगळ्यांचीच चिडचिड होते आणि जिथे मिळेल तिथून पाणी आणण्याची धावपळ सुरु होते. तर आज सोशल मीडियावर असाच एक व्हिडीओ व्हायरल होत आहे ; जो पाहून तुमच्याही अंगावर नक्कीच काटा येईल.
व्हायरल व्हिडीओ तीन महिलांचा आहे. डोक्यावर हंडे ठेवून पिण्याचे पाणी घेऊन जाताना या महिला दिसत आहेत. तुम्ही पाहू शकता की, खडकांमधून पाणी वेगाने वाहते आहे. या पाणी वाहणाऱ्या खडकांवरून जाण्यासाठी दोन लाकडू ठेवण्यात आला आहे. तसेच हा एकमेव आधार महिलांना दुसऱ्या बाजूला पाणी घेऊन जाण्यासाठी आहे. एकदा बघाच हा व्हायरल व्हिडीओ.
व्हिडीओ नक्की बघा :
व्हायरल व्हिडीओत तुम्ही पाहिलं असेल की, दोन लाकूड मध्ये ठेवून त्यावरून महिला डोक्यावर हंडे ठेवून एका बाजूने दुसऱ्या बाजूला जात आहेत. या महिलांची एक छोटीशी चूक किंवा त्यांचा तोल गेला असता तर मोठी दुर्घटना होऊ शकली असती. पण, दुर्देवाने असे काहीही झाले नाही आणि महिला सुखरूप, लक्षपूर्वक हंडे डोक्यावर घेऊन जाताना दिसत आहेत.
सोशल मीडियावर हा व्हिडीओ @sudha_ murthy_team या इन्स्टाग्राम अकाउंटवरून शेअर करण्यात आल्या आहेत. महिला कुटुंबासाठी कोणत्याची कठीण प्रसंगाला न डगमगता मात देऊ शकतात याचे उत्तम उदाहरण आज पुन्हा एकदा पाहायला मिळालं आहे. नेटकरी हा व्हिडीओ पाहून अगदीच भावूक कमेंट करताना दिसले आहेत आणि आजही देशात अशा अनेक गावात लोकांना पिण्याच्या पाण्यासाठी इतके कष्ट घ्यावे लागत आहेत याची चिंता व्यक्त करताना कमेंटमध्ये व्यक्त करताना दिसत आहेत.
