“आई घरी वाट बघत असेल…” प्रसिद्धीसाठी तरुणांचा जीवघेणा स्टंट; VIDEO पाहून चुकेल काळजाचा ठोका

सोशल मीडियावर अनेकदा अपघातांचेही अनेक व्हिडीओ व्हायरल होताना आपण पाहतो; जे समोर येताच काही क्षणांत लाखो व्ह्युज आणि लाइक्स मिळवतात. बऱ्याचदा अपघात हे स्टंट करण्यामुळेच होतात. त्यावर नेटकरी तीव्र संतापदेखील व्यक्त करताना दिसतात. अशा विविध प्रकारच्या स्टंट्समुळे अनेकांनी आजपर्यंत आपला जीव गमावला आहे. दरम्यान, नुकताच असाच एक थरकाप उडवणारा व्हिडीओ व्हायरल होत आहे. या व्हिडीओमध्ये दोन तरुण एका उंचवट्यावरून भयानक स्टंट करताना दिसतायत, जे पाहून अनेकांच्या काळजाचा ठोका चुकला आहे.

या व्हायरल व्हिडीओमध्ये तुम्ही पाहू शकता की, दोन तरुण एका गडाच्या तटबंदीवरील कट्ट्यावर चढून सुरुवातील व्हिडीओ काढणाऱ्या व्यक्तीला बायसेप्स दाखवतात. त्यानंतर मागच्या बाजूला उंच उडी मारतात आणि पुन्हा स्वतःचा तोल सावरून कट्ट्यावर उभे राहतात. तरुणांच्या मागे दिसत असलेली दरी खूप खोल असून, चुकून त्यांना स्वतःचा जीव सावरता आला नसता, तर त्यांना जीव गमवावा लागला असता. हा जीवघेणा स्टंट पाहून युजर्स तीव्र संताप व्यक्त करताना दिसत आहेत.

हा व्हिडीओ इन्स्टाग्रामवरील @iabhi.choudhary या अकाउंटवरून शेअर करण्यात आला आहे. त्यावर आतापर्यंत दीड लाखाहून अधिक व्ह्युज आणि पाच हजारांहून अधिक लाइक्स मिळाल्या आहेत. तसेच यावर अनेक युजर्स विविध प्रकारच्या कमेंट्स करताना दिसत आहेत.

हेही वाचा: ‘जेव्हा लावलेला अंदाज चुकतो…’, बाईकवरून स्टंट करताना अचानक चाक निसटलं अन् पुढे जे घडलं…; VIDEO पाहून नेटकरी संतप्त

पाहा व्हिडीओ:

या व्हायरल व्हिडीओतील एका युजरने कमेंटमध्ये लिहिलेय, “बहुतेक सध्या यमदेवाला सुट्टी आहे.” दुसऱ्या युजरने लिहिलेय, “भावांनो, असे व्हिडीओ नका बनवू प्लीज.” तिसऱ्या युजरने लिहिलेय, “तुम्हाला तुमच्या आई-बाबांची शपथ; असे व्हिडीओ नका बनवू.” चौथ्या युजरने लिहिलेय, “बापरे खूपच भयानक.”