सोशल मीडियावर दररोज अनेक व्हिडीओ व्हायरल होतात. त्यातील काही व्हिडीओ पाहून आपल्या चेहऱ्यावर हसू येते तर काही व्हिडीओ पाहून आपल्याला काही वृत्तींचा राग येतो. असाच एक व्हिडिओ सध्या व्हायरल होत आहे. या व्हिडीओमध्ये दोन तरुणी सिंहाला चिडवत असल्याचे, त्याची नक्कल करत असल्याचे दिसत आहे. यावर नेटकऱ्यांनी मात्र संताप व्यक्त केला आहे. नेमकं काय घडलं जाणून घ्या.
व्हायरल होणारा हा व्हिडीओ आयएफएस अधिकारी सुशांत नंदा यांनी ट्विटरवर शेअर केला आहे. हा व्हिडीओ प्राणी संग्रहालयातील असल्याचा अंदाज व्हिडीओ पाहताना येतो. व्हिडीओमध्ये दोन तरुणी काचेत असलेल्या सिंहाला चिडवत असल्याचे दिसत आहे. सिंह चिडून काचेवर हात मारताना दिसत आहे, तर यावर तरुणीही त्यांची नक्कल करत त्यांना आणखी चिडवण्याचा प्रयत्न करतात. सिंहाला याचा राग आला असल्याचे स्पष्ट दिसत आहे. पाहा व्हायरल होणारा हा व्हिडीओ.
आणखी वाचा: चिमुकल्याने चक्क माकडांना केले खेळात सहभागी; हा खेळ पाहून नेटकरीही झाले अवाक, पाहा Viral Video
व्हायरल व्हिडीओ:
आणखी वाचा- Video: गरीब मुलांना दुकानाबाहेर रोज टीव्ही पाहत असलेले पाहून दुकानदाराने केलेली कृती होतेय Viral
हा व्हिडीओ शेअर करत सुशांत नंदा यांनीही संताप व्यक्त केला आहे. ‘माणूस इतका असंवेदनशील कसा असु शकतो’ असे कॅप्शन त्यांनी दिले आहे. नेटकऱ्यांनीही कमेंट्समध्ये या वागण्यावर संताप व्यक्त केला आहे. ‘एखाद्याच्या लाचार अवस्थेवर कुणी हसू कसे शकते’, असे मत काही नेटकऱ्यांनी व्यक्त केले आहे.
