Trending Today: MTV वाहिनीवरील Hustle 2.0 हा रॅप शो यंदाच्या सीझनला खूपच चर्चेत होता. मराठमोळी नऊवारी रॅपर आर्या, ते मै नहीं तो कौन बे म्हणत सातासमुद्रापार पोहचलेली मराठी मुलगी सृष्टी तावडे यांच्या व्हायरल व्हिडीओने सोशल मीडिया दणाणून सोडलं होतं. तर एमसी, स्क्वेअरच्या अस्सल हरियाणवी भाषेतील रॅपनेही अनेकांना भूरळ घातली होती. नुकताच या रॅप शोचा अंतिम सोहळा पार पडला, यात रॅप बॅटल जिंकून नैना दी तलवार फेम Mc Square अंतिम विजेता ठरला, अर्थात एमसी स्क्वेअरवर यावेळी बक्षिसांची उधळण झाली पण या सगळ्यात त्याला मिळालेलं एक गिफ्ट सर्वात खास ठरलं. एमसी स्क्वेअरला चक्क टीम इंडियाचा स्टार खेळाडू विराट कोहलीने कौतुकाची थाप दिली आहे. कोहलीने एमसी स्क्वेअरला दिलेली प्रतिक्रिया ऐकून बादशाह सुद्धा थक्क झाला होता.
विराट कोहलीने अलीकडेच एमसी स्क्वेअरला इंस्टाग्रामवर मॅसेज करून त्याच्या रॅपचं कौतुक केलं आहे. तसेच गिफ्ट म्हणजे विराटने चक्क एमसी स्क्वेअरला इंस्टाग्रामवर फॉलो केलं आहे. विराटने एमसी स्क्वेअरला मी तुझं नैना दि तलवार गाणं १०० वेळा ऐकलं आहे असंही सांगितलं. विराट कोहलीच्या मॅसेज आल्याबाबत जेव्हा शोमध्ये बादशाहने एमसी स्क्वेअरला विचारलं तेव्हा बादशाह सुद्धा थक्क झाला, यावेळी बादशाहने सांगितले की, मी मागील १० वर्षांपासून मेहनत घेत आहे तेव्हा कुठे विराटने मला मागच्या वर्षी इंस्टाग्रामवर फॉलो केलं आहे, जेव्हा कोहलीने मला फॉलो केलं तेव्हा एक आठवडा मला झोप आली नव्हती असेही बादशाह म्हणाला.
विराट कोहली हा इंस्टाग्रामवर सर्वाधिक फॉलोवर्स असणाऱ्या सेलिब्रिटींपैकी एक आहे. विराटाचे सध्या इंस्टाग्रामवर २२२ मिलियन फॉलोवर्स आहेत. आणि विराट स्वतः मात्र फक्त २३१ जणांना फॉलो करतो, आता या इतक्या निवडक लोकांमध्ये एमसी स्क्वेअरचं नाव जोडलं जाणं हे निश्चितच कुठल्याही महागड्या गिफ्ट पेक्षा कमी नाही.
T20 World Cup Finals: ..तर बाबर आझम होणार पाकिस्तानचा पंतप्रधान; माजी क्रिकेटपटूचा Video चर्चेत
विराट कोहलीने केवळ एमसी स्क्वेअरच नाही तर हसल २.० मधील अन्य स्पर्धक जीडी ४७ ला सुद्धा फॉलो केलं आहे. विराट कोहली हा स्वतः पंजाबी गाण्यांचा फॅन आहे अनेकदा त्याला मैदानातही थिरकताना आपण पाहिले असेल.
