मुसेवालांवर अत्यंसंस्कार: मुलाला शेवटचा निरोप देणाऱ्या आईवडिलांचे फोटो पाहून सेहवागही गहिवरला; म्हणाला, “या वेदनांचं…”

आईवडिलांनी केली चाहत्यांच्या जेवणाची सोय
मुसेवाला यांचे विविध राज्यांतील चाहते त्यांना अखेरचा निरोप देण्यासाठी जमले होते. मूसा हे गाव मन्सा जिल्ह्यात आहे. २७ वर्षीय सिद्धू मुसेवाला यांच्या अंत्यसंस्काराला उपस्थित राहण्यासाठी विविध भागांतील लोक मूसा गावाकडे निघाल्याने मंगळवारी त्या भागातील रस्त्यांवर वाहतूककोंडी झाली. त्यामुळे दूरवरून लोक पायी चालत भर उन्हात मूसा गावाकडे निघाले. पोलिसांनी परिसरात चोख बंदोबस्त ठेवला होता. अंत्यसंस्कारासाठी जमलेले चाहते काही तास ताटकळत राहिल्यानंतर मूसेवाला यांच्या आईवडिलांनी त्यांच्यासाठी जेवण आणि पेयजलाची व्यवस्था केली. मुसेवाला यांच्या घराबाहेर प्रचंड संख्येने जमलेल्या त्यांच्या चाहत्यांना आवरण्यासाठी सुरुवातीला पोलिसांना लाठीमारही करावा लागला. मुसेवाला यांच्या अंत्यसंस्काराच्या वेळी त्यांची आई पूर्णवेळ पार्थिवाजवळच उभी होती. तर बाजूलाच उभ्या असणाऱ्या मुसेवाला यांच्या वडिलांची लोक येऊन सांत्वना करत होते.

आणखी वाचा

कुवैतहून थेट मध्य प्रदेश गाठलं अन् मुलीवर लैंगिक शोषण करणाऱ्याचा घेतला जीव; मृत्यूचं गुढ उकलायला वडिलांनीच केली मदत!

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

“मर्द को भी दर्द होता है!” आत्महत्येआधीचा अतुलचा तासभराचा ‘तो’ व्हिडिओ व्हायरल; पत्नी आणि सासरच्यांवर गंभीर आरोप

मृत्यूनंतरही परवड थांबली नाही, पार्थिव रुग्णालयात नेताना महिलेच्या गळ्यातील गंठण चोरीला

नवरीला रडताना पाहून नवरदेवही रडला! VIDEO पाहून नेटकरी म्हणाले, “नशीबवान आहेस ताई तू…”

“अपघातात वडील वारले अन्…” चिमुकल्याने सांगितली व्यथा; विद्यार्थ्यांसह शिक्षकही रडले, पाहा VIRAL VIDEO

“देवा पुढल्या जन्मी…”, रेखा यांनी सांगितला लता मंगेशकरांबद्दलचा ‘तो’ किस्सा; म्हणाल्या, “मला त्यांनी…”

बॉलीवूडमध्ये काम नव्हतं, आईसमोर प्रचंड रडलो अन्…; विवेक ओबेरॉयचं संपूर्ण आयुष्य ‘त्या’ दिवसापासून बदललं, तो क्षण कोणता?

सोयरिक जमविण्याच्या प्रयत्न सुरु होता…
सिद्धू मूसेवाला यांचे वडील बलकौरसिंग आणि आई चरणकौर सिद्धू यांना सातत्याने अश्रू अनावर होत होते. पंजाबमधील प्रथेनुसार अविवाहित सिद्धू मुसेवाला यांना अंतिम निरोप देताना त्यांच्या पार्थिवावर नवरदेवासारखा पोशाख चढविण्यात आला होता. मूसेवाला कुटुंबीयांनी दिलेल्या माहितीनुसार, सिद्धू यांची हत्या होण्याच्या दोन दिवस आधीपर्यंत त्यांचे आईवडील सिद्धू यांची सोयरिक जमविण्याच्या प्रयत्नात होते.

आईने मुलाला सेहरा बांधला, वडिलांनी त्याच्या मिशांना पीळ भरला..
सिद्धू यांची आई ही गावची सरपंच असून त्यांनी सिद्धू यांचे केस विंचरून त्यांच्या डोक्याला पगडी बांधून सेहरा चढवला. सिद्धू यांच्या वडिलांनी आपल्या मुलाच्या मिशांना पीळ भरला. गायक सिद्धू हे त्यांच्या आल्बममध्ये मिशीवर ताव मारताना अनेकदा दिसतात. इतकेच नव्हे तर प्रतिस्पर्ध्याला आव्हान देण्यासाठी पहिलवान जशी मांड ठोकतो, तशी मांडही सिद्धू यांच्या वडिलांनी पार्थिवाच्या मांडीवर आपल्या हाताने ठोकली.

सेहवागही गहिवरला…
मुसेवाला यांच्या आईवडिलांचे हेच फोटो शेअर करत विरेंद्र सेहवागने आपल्या भावनांना वाट मोकळी करुन दिलीय. “आई-वडिलांच्या या वेदनांचं वर्णनही करता येणार नाही. लहान वयात आपल्या मुलाला अशाप्रकारे जग सोडून गेल्याचे दु:ख कोणत्याही आईला वडिलांना मिळू नये. वाहेगुरु कुटूंबियांना बळ देवो,” अशा कॅप्शनसहीत सेहवागने मुसेवाला यांच्या आईवडिलांचे फोटो शेअर केलेत.

मुसेवाला यांचं पार्थिव वाहून नेणाऱ्या ट्रॅक्टर ट्रॉलीला वरातीच्या कारप्रमाणे सजविण्यात आले होते. चाहत्यांच्या घोषणा अखंड सुरू होत्या.