International Women’s Day : विस्तारा एअरलाईन्स कंपनीने प्रवाशांसाठी बुधवारी नव्या योजनेची घोषणा केली आहे. आठ मार्च रोजी असणाऱ्या जागतिक महिला दिनाचे औचित्य साधत विस्तारा एअर लाईन्सने विमानामध्ये महिलांना मोफत सॅनिटरी पॅड देण्याचा महत्त्वपूर्ण निर्णय घेतला आहे. विस्तारा एअरलाईन्सने ट्विट करत याबाबत माहिती दिली आहे. सध्या देशांतर्गत विमानप्रवासात महिलांसाठी ही सुविधा सुरु करण्यात आली आहे. असा निर्णय घेणारी विस्ताराही देशातील पहिली एअरलाईन्स ठरत आहे.
विस्तारा एअरलाईन्समध्ये पुरवण्यात येणारे पॅड्स हे ISO 9001:2015 सर्टिफाईड बायो डिग्रेडेबल आणि ऑर्गेनिक असतील. हे नॅपकिन्स प्लॉन्ट बेस फायबर पासून बनवलेले असून ते प्लॉस्टिक, टॉक्सिन्स आणि परफ्युम विरहीत असतील. ८ मार्चपासून विमानातील सर्व क्रू मेंबर्स सॅनिटरी पॅड्सबद्दल माहिती देतील. गरजेनुसार तुम्ही अगदी मोकळेपणाने विमानप्रवासात सॅनिटरी पॅडची मागणी करु शकता असे ट्विटमध्ये म्हटले आहे. कंपनीने ट्विट करत #PadsOnBoard हा हॅशटॅग वापरुन या नव्या सुविधेची माहिती दिली.
This #InternationalWomensDay, Vistara is proud to be India’s first airline to provide sanitary pads aboard all domestic flights, starting 8th Mar ’19. These pads are organic & bio-degradable. #PadsOnBoard #VistaraForWomen #VistaraWomanFlyer #WomensDay #NotJustAnotherAirline pic.twitter.com/A1jmmoYYky
— Vistara (@airvistara) March 6, 2019
२०१७ मध्ये कंपनीने सुरु केलेल्या #VistaraWomanFlyer service च्या दृष्टीने हे दुसरे पाऊल आहे. Vistara Woman Flyer service या अंतर्गत एकट्याने प्रवास करणाऱ्या महिलांना त्यांचे शारीरिक आणि मानसिक स्वास्थ्यासंबंधित सेवा पुरवण्याचा निर्णय विस्तारा एअर लाईन्सने घेतला होता. त्यामध्ये आता मोफत सॅनिटरी पॅडची सुविधा देत भर टाकली आहे.
