Viral video: भुकेल्याला अन्नदान करणे हा सर्वात मोठा धर्म मानला जातो. अनेक वेळा असे घडते जेव्हा भुकेलेली मूलं लोकांकडे पैसे किंवा अन्न मागतात पण ते त्यांच्याकडे दुर्लक्ष करतात. नुकताच एक व्हिडिओ सोशल मीडियावर मोठ्या प्रमाणात व्हायरल होत आहे. हा व्हिडिओ सर्वांची मने जिंकत आहे. सोशल मीडियावर नेहमीच वेगवेगळे व्हिडीओ व्हायरल होतात, मात्र काही व्हिडीओ हे खरंच विचार करायला भाग पाडतात. हा व्हिडीओही लोकांना विचार करायला भाग पाडत आहे. हा व्हिडिओ आतापर्यंत २ लाखांहून अधिक लोकांनी पाहिला आहे. त्याचवेळी अनेक लोक व्हिडीओ मोठ्या प्रमाणात शेअरसुद्धा करत आहेत.
पोटात भूक, डोळ्यात पाणी
व्हायरल होत असलेल्या या व्हिडीओमध्ये हॉटेलमध्ये एक मुलगा उपाशीपोटी बसलेला दिसत आहे. त्याचवेळी, एक महिला जेवण झाल्यावर ताटात अर्धवट खाऊन उठते. मुलाला एवढी भूक लागलेली असते की तो त्या महिलेच्या टेबलजवळ दातो आणि तिच्या ताटातून खायला लागतो. तेवढ्यात वेटर तिथे येतो आणि प्लेट उचलतो आणि त्याच्याकडून काढून घेतो.
“माणुसकी अजून जिवंत आहे”
हे पाहून मुलगा खूप निराश होतो आणि रडू लागतो. यानंतर काही वेळातच वेटर पुन्हा त्याच्याकडे येतो आणि त्याच्यासमोर जेवणाचे ताट ठेवतो. जेवणाचे ताट फक्त त्याच्यासाठीच ठेवले आहे यावर मुलाला विश्वास बसत नाही. यानंतर वेटर त्याच्या पाठीवरुन हात फिरवतो आणि त्याला खायला सांगतो. त्यानंतर मूलगा घाबरून अन्न खाण्यास सुरुवात करतो. सोशल मीडियावर लोक वेटरचे खूप कौतुक करत आहेत.
हा व्हिडिओवर एका यूजरने लिहिले की, ‘माणुसकी अजूनही जिवंत आहे.’ त्याचवेळी दुसऱ्या युजरने लिहिले की, ‘भुकेलेली मुले चांगली दिसत नाहीत.’ त्याचवेळी दुसऱ्या यूजरने लिहिले की, ‘आजचा सर्वात सुंदर व्हिडिओ.’
पाहा व्हिडीओ
हेही वाचा >> Bus Accident: दिल्लीत सुसाट बसनं वाहनांना चिरडलं, एकाचा जागीच मृत्यू; थरारक VIDEO व्हायरल
सोशल मीडियात सध्या हा व्हिडीओ चांगलाच व्हायरल होत आहे, यावर लोक वेगवेगळ्या प्रतिक्रिया देत आहे. हा व्हिडीओ @Enezator या अकाऊंटवर शेअर करण्यात आला आहे. व्हिडीओला हजारोंमध्ये लाईक शेअर मिळत आहे. लोक वेगवेगळ्या प्रतिक्रियाही यावर नेटकरी देत आहेत.
