जगात अनेक नाती पुन्हा तयार केले जाऊ शकतात, मात्र आपल्या कुटूंबियांसोबतचं नातं कधीच दुसऱ्यांदा तयार होऊ शकत नाही, असं म्हणतात. जिथे गोष्ट पैशाची असते, तिथे हल्ली तर सख्खे भाऊ सुद्धा पक्के वैरी होतात, असं तुम्ही अनेकदा ऐकलं असेल. मग यात सामान्य असो वा एखादे मोठे राजकीय नेते मंडळी…सर्वांचं सारखंच असतं. अशीच एक घटना बिहारमध्ये घडली आहे. बिहारच्या बेतिया येथील नरकटियागंजमधल्या भाजप आमदार रश्मी वर्मा आणि त्यांच्या नातेवाईकांमध्ये झालेल्या भांडणाचा व्हिडीओ सोशल मीडियावर मोठ्या प्रमाणात व्हायरल होत आहे. या व्हायरल व्हिडीओमध्ये आमदार रश्मी वर्मा त्यांच्या भाची आणि भावजयींसोबत धक्काबुक्की, शिवीगाळ करत असल्याचे दिसत आहे.
या व्हिडीओमध्ये आमदार रश्मी वर्मा स्पष्टपणे दिसत आहेत. ही घटना एक आठवड्यापूर्वीची आहे. नरकटियागंजमधील धनौजी फार्ममध्ये ही घटना घडली आहे. यामध्ये आमदार रश्मी वर्मा त्यांच्या नातेवाईकांशी भांडताना दिसत आहेत. आमदार रश्मी वर्मा सध्या केरळमध्ये असल्या तरी गेल्या ४० वर्षांपासून आपल्या भावजयी आणि इतर नातेवाईकांनी त्यांच्या मालमत्तेवर अतिक्रमण केल्याचा आरोप केला आहे. वारंवार जाऊनही त्यांच्या मालमत्तेचा वाटा त्यांना दिला जात नाही, असं त्यांचं म्हणणं आहे.
इथे पाहा हा व्हायरल व्हिडीओ :
आणखी वाचा : चक्क पोपटाने महिलेला ‘आई’ म्हणून हाक मारायला सुरुवात केली, दोघांमधील संभाषणाचा हा VIDEO VIRAL
आमदार रश्मी वर्मा सांगतात की, मालमत्तेबाबत त्यांच्या नातेवाइकांवर पोलिस स्टेशन आणि कोर्टात अनेक खटले सुरू आहेत. आंब्याच्या बागेतून त्यांना एकही आंबा दिला जात नाही, असं आमदार रश्मी वर्मा यांनी सांगितले. त्यामुळे त्या स्वतः बागेत गेल्या आणि त्याचवेळी तिथे त्यांचे नातेवाईकही त्यांच्या मुलीसह पोहोचले. यादरम्यान दोन्ही गटांमध्ये हाणामारी आणि धक्काबुक्की झाली. या घटनेनंतर मारहाण आणि धक्काबुक्कीचा हा व्हिडीओ सध्या सोशल मीडियावर चांगलाच व्हायरल होत आहे. आता हा व्हिडीओ समोर आला आहे. रश्मी वर्मा या पश्चिम चंपारणमधील नरकटियागंज येथील भाजपच्या आमदार आहेत.
