११ हजार फुटांवर ITBP चे जवान घेतायत मार्शल आर्ट्सचे धडे, व्हिडीओ व्हायरल

आयटीबीपीचे हे ट्रेनिंग उत्तराखंडमधील औलीमध्ये आहे. येथे जवानांना खास मार्शल आर्ट्सचे ट्रेनिंग दिलं जातं. ११ हजार फूटांवर कडाक्याच्या थंडीमध्ये जवान मार्शल आर्ट्सचे धडे घेत आहेत. मार्शल आर्ट्ससोबत जवानांना चिनी भाषा शिकवली जातेय. या ट्रेनिंग इंस्टीट्यूटमधून १९२५० जवानांना आतापर्यंत ट्रेनिंग दिली आहे.

बर्फामध्ये दिवसोंदिवस राहून देशाची सेवा करणाऱ्या जवानांना अनेक अडचणींना सामोरं जावं लागते. येथे निवड होण्याआधी जवानांना बेसिक स्किल्स, शारीरिक आणि सकारात्मक मानसिकता अवगत करण्याचे ट्रेनिंग दिलं जातं. हा व्हिडीओ एएनआय या वृत्तसंस्थेने पोस्ट केला आहे. त्यावर नेटीझन्स भारतीय जवानांची स्तुती करत आहेत.