भारतासारख्या देशामध्ये जिथे लोकसंख्येचा आकडा मोठा आहे तिथे चांगली सार्वजनिक वाहतूक व्यवस्था मुलभूत गरज असूनही अपुरी पडत आहे. गर्दीने तुंडूब भरलेल्या बस, रेल्वे आणि मेट्रो हे चित्र सामान्य होत चालले आहे. उन्हाळ्यात शाळेच्या सुट्यांमुळे फिरायला जाणाऱ्या पर्यटकांची संख्या, विविध धार्मिक स्थळी भेट देणारे यात्रेकरू रेल्वेने मोठ्या संख्येने प्रवास करतात. पण वाढत्या प्रवाशांची संख्या लक्षात घेऊन त्यानुसार जास्तीच्या गाड्यांचे नियोजन करण्यात रेल्वे प्रशासन अपयशी ठरत आहे. गेल्या दिवसांपासून व्हायरल होत असलेल्या व्हिडीओंमधून हे चित्र वारंवार समोर येत आगे. सध्या पुन्हा एकदा छत्तीसगढ़ एक्सप्रेसमधील प्रवाशांच्या गर्दीचा व्हिडीओ चर्चेत आला आहे. व्हायरल व्हिडीओने नेटकऱ्यांचे लक्ष वेधले आहे.
रेल्वेमध्ये प्रवाशांची गर्दी होत असूनते शक्य तितकी जागा व्यापण्याची प्रकरणे दिवसेंदिवस वाढत आहेत. छत्तीसगड एक्स्प्रेस रेल्वेमध्ये अनेक प्रवासी शौचालयाजवळ झोपलेले दर्शवणारा एक नवीन व्हिडिओ समोर आला आहे.
दरवाज्याामध्ये, अगदी शौचालयाजवळ असलेल्या जागेत झोपलेल्या पुरुष व्हिडीओमध्ये दिसत आहे. व्हिडिओ जसजसा पुढे जात आहे, त्यात दोन स्त्रिया देखील अशा स्थितीत जागा मिळेल तिथे झोपलेल्या दिलसत आहे. तर काही प्रवासी स्वत: साठी जागा तयार करण्यासाठी धडपडताना दिसत आहेत.
व्हिडिओ शेअर करताना सचिन गुप्ता या एक्स वापरकर्त्याने लिहिले की, “हे दृश्य छत्तीसगड एक्स्प्रेसचे आहे (ट्रेन क्र. 18237). सीट, फ्लोअर, गेट, गॅलरी, बाथरूम…ज्याला जागा सापडली तो तिथेच बसल्या बसल्या झोपी गेला. युरेशियाचे रेल्वे मंत्री, कृपया गरिबांसाठीच्या गाड्यांवर थोडे लक्ष द्या आणि डब्यांची संख्या वाढवा.”
व्हिडिओला ४२,०००पेक्षा जास्त लोकांनी पाहिला आहे. व्हिडीओ पाहिल्यानंतर X वर संतापाची लाट उसळली. वापरकर्त्यांनी ट्रेनच्या खराब व्यवस्थापनासाठी रेल्वे मंत्रालयाची निंदा केली. व्हिडिओवर प्रतिक्रिया देताना, एका वापरकर्त्याने लिहिले की, “हे किती काळ चालू राहणार? रेल्वे प्रवासी गाड्यांमध्ये स्लीपर कोच का काम करत नाहीत? सामान्य माणूस असा प्रवास करतो आणि आपण स्वप्नांच्या भारताबद्दल बोलतो. आणखी एका युजरने लिहिले की, “रेल्वे गरीबांसाठी होती पण आता ती श्रीमंतांसाठी आहे.”
“हा आपला देश असू शकत नाही. गैरसोयीचे खूप कौतुक आहे!”, तिसऱ्या वापरकर्त्याने प्रतिक्रिया दिली.
सोमवारी लखनौ-हरिद्वार वंदे भारत एक्स्प्रेसमध्ये तिकीट नसलेल्या प्रवाशांची गर्दी होत असल्याचा व्हिडिओ व्हायरल झाला होता. व्हिडीओमध्ये ट्रेनमध्ये तिकिट नसलेल्या प्रवाशांनी भरून गेलेले सीटसाठी धडपडत असल्याचे दाखवले आहे.
