सध्या IPL सामान्यांची सर्वत्र चर्चा सुरु आहे. सामन्या दरम्यान आणि सामन्यानंतरचे अनेक व्हिडीओ सोशल मीडियावर व्हायरल होत आहे. दरम्यान एका व्हिडीओने सध्या सर्वांचे लक्ष वेधून घेत आहे. व्हायरल व्हिडीओमध्ये व्हीलचेअरवर बसलेला एका चाहता आणि क्रिकेट स्टार रोहित शर्मा यांच्यातील हृदयस्पर्शी भेट पाहायला मिळत आहे. या व्हिडीओने नेटकऱ्यांचे मन जिंकले आहेत. रोहित शर्माच्या वाढदिवसाच्या सेलिब्रेशनचा एक भाग म्हणून मुंबई इंडियन्सच्या अधिकृत इंस्टाग्राम अकाउंटद्वारे शेअर केला आहे. व्हिडिओमध्ये व्हिलचेअरवर बसलेल्या या चाहत्याने शर्मा आणि टीममेट सूर्य कुमार यादव यांना भेटण्याची इच्छा व्यक्त केल्याचे दाखवले आहे.
व्हिडीओमध्ये दिसते की, एका बॅरीकेडच्या पलीकडे व्हिलचेअरवर एक व्यक्ती बसलेला दिसत आहे. सुर्यकुमार त्याच्याबरोबर सेल्फी घेताना दिसत आहे. सेल्फी घेतल्यानंतर चाहता सुर्य कुमारचे आभार व्यक्त करतो आणि रोहित शर्माला भेटण्याची विनंती करतो. तो म्हणतो, “थँक्यू दादा, रोहीत शर्माला भेटायचे आहे.” त्यानंतर सुर्य कुमार त्याला आश्वासित करतो की, “मी रोहितला सांगतो.”त्यानंतर रोहित शर्मा त्याच्या चाहत्याला भेटण्यासाठी स्वत: बाहेर येतो आणि त्याला अत्यंत प्रेमाने भेटतो. त्याच्या जर्सीवर सही करतो. आपल्या चाहत्याबरोबर फोटो देखील काढतो.”
हेही वाचा – बापरे! मुंबई विमानतळावर ३३३ रुपयांना विकली जाते पाणीपुरी, व्हायरल फोटो पाहून नेटकरी चक्रावले
रोहित शर्मा ज्या पद्धतीने त्या व्यक्तीला भेटतो ते पाहून त्या कृतीने नेटकऱ्यांना त्याचे कौतूक केले आहे. व्हिडीओ ३९.३ लाखांपेक्षा जास्त लोकांनी पाहिला आहे. नेटकऱ्यांनी दयाळूपणाबद्दल भारतीय खेळाडूंचे कौतुक केले आहे. व्हिडीओवर एकाने कमेंटही केली, “भाग्यवान चाहता…भारतीय खेळाडूंचे वर्तणूक चांगली आहे,” एका वापरकर्त्याने कमेंट केली तर दुसऱ्याने लिहिले, “हेच रोहितने कमावले आहे…”
सहकारी क्रिकेटपटू युवराज सिंग आणि हरभजन सिंग देखील रोहित शर्माचा वाढदिवसाच्या शुभेच्छा दिल्या आहेत. “वाढदिवसाच्या शुभेच्छा ! आनंद आणि यश तुमच्या बॅटमधून मोठ्या हिट्सप्रमाणे सहजतेने वाहू दे! खूप प्रेम,” असे युवराज सिंगने शुभेच्छा देताना लिहिले. दरम्यान, हरभजन सिंगने लिहिले की”वाढदिवसाच्या शुभेच्छा भाऊ शाना @ImRo45 तुझा दिवस चांगला जावो.”
हेही वाचा – खेळता खेळता मांजरीने चुकून मालकाच्या घराला लावली आग! ११ लाखांचे सामान जळून खाक
भारतीय क्रिकेट नियामक मंडळाने (बीसीसीआय) शर्माच्या कामगिरीवर प्रकाश टाकत त्यांच्या शुभेच्छा दिल्या. तीन वनडे द्विशतके करणारा एकमेव क्रिकेटपटू. #TeamIndia कर्णधार रोहित शर्माला वाढदिवसाच्या खूप खूप शुभेच्छा!” असे त्यांच्या पोस्टामध्ये लिहिले आहे.
क्रिकेटपटू नितीश राणा यांनी शुभेच्छा दिल्या, “वाढदिवसाच्या हार्दिक शुभेच्छा @ImRo45 तुमच्या चौकार अनंत आणि तुमचे षटकार वाढत जावोत.” असे त्यांनी लिहिले
