पाहा : कोरियन मुलगी जेव्हा साडी नेसते, नृत्य करते आणि हिंदी बोलण्याचा प्रयत्न करते तेव्हा काय होतं?

कोरियाच्या प्रसिध्द ‘हाय किक ३’ या सिच्युएशन कॉमेडी सिरीयलच्या व्हिडिओतील ही क्लिप असून यामध्ये दोन कोरियन मुली पोलिस ठाण्यामध्ये असतानाचा प्रसंग चित्रित केलेला आहे. सू जॉन्ग आणि जी वॉन या दोन मुली ज्या अनुक्रमे अमेरिकन आणि भारतीय मुलीची भूमिका यामध्ये वठवताना दिसतात. खरंतर २०१२ सालीच हा एपिसोड प्रदर्शित झाला असून आता अचानक ही क्लिप व्हायरल झाली आहे.

गाडी चालवताना चुकीचे वळण घेतल्याबद्दल या दोन मुलींना पकडून पोलिस ठाण्यात नेले जाते. तिथे त्या आपली खरी ओळख लपवण्याचा प्रयत्न करतात. पण खरी धमाल तेव्हा येते जेव्हा त्यातली एक मुलगी आपली खरी ओळख लपवण्यासाठी तिला येत असलेला एकमेव हिंदी संवाद सतत बोलण्याचा प्रयत्न करते. आणि ती ऐतिहासिक ओळ म्हणजे: ‘मेरे से शादी करोगे? मैं खूबसूरत हूँ’ (माझ्यासोबत लग्न करशील? मी सुंदर आहे.) या व्हिडिओला फेसबुकवर आत्तापर्यंत ११, १३९ शेअर्स झाल्याचे दिसत आहे.