Wayanad landslide Flood : केरळच्या वायनाड जिल्ह्यात ३० जुलै रोजी झालेल्या भीषण भूस्खलनात २१९ हून अधिक लोकांचा मृत्यू झाला; तर अनेक जण अजूनही बेपत्ता आहेत. अद्याप या ठिकाणी बचावकार्य चालू आहे. दरम्यान, वायनाडमधील भूस्खलनाचे अनेक व्हिडीओ सोशल मीडियावर मोठ्या प्रमाणावर व्हायरल होत आहेत. त्यातून पुराचे भयानक दृश्य समोर आले आहे; ज्यात एक संपूर्ण घर पाण्याखाली गेल्याचे दिसत आहे. जो कथितरीत्या वायनाडमधील असल्याचे सांगितले जात आहे. पण हा व्हिडीओ खरंच वायनाडमधील पुराचा आहे का? याविषयी आपण सविस्तर माहिती जाणून घेऊ…
काय होत आहे व्हायरल? (Wayanad Landslides Updates)
X यूजर E_Jeeva ने व्हायरल व्हिडीओ आपल्या प्रोफाइलवर दिशाभूल करणाऱ्या दाव्यांसह शेअर केला.
इतर वापरकर्तेदेखील हाच व्हिडीओ शेअर करीत आहेत.
तपास :
आम्ही व्हिडीओमधून मुख्य फ्रेम्स मिळवून, त्यांचा स्रोत शोधण्यासाठी रिव्हर्स इमेज सर्चच्या माध्यमातून त्याचा तपास सुरू केला.
आम्हाला reddit.com वर अपलोड केलेला व्हिडीओ सापडला.
शीर्षक होते (भाषांतर) : चीनमधील मेझौ परिसर पुरामुळे सहा तासांच्या आत पाण्याखाली गेला.
आम्हाला हा व्हिडीओ जका पार्करच्या यूट्यूब चॅनेलवरदेखील सापडला.
८ जुलै २०२४ रोजी अपलोड केलेल्या या व्हिडीओचे शीर्षक होते : Amazing video of the mid-June flooding in Meizu, Guangdong, China
आम्हाला इन्स्टाग्रामवर अपलोड केलेला व्हिडीओदेखील सापडला.
पाच आठवड्यांपूर्वी अपलोड केलेल्या व्हिडीओचे शीर्षक होते (अनुवाद) : शॉकिंग इमेजेस ऑफ मीझौ फ्लड्स : टाइमलॅप्स १६ जून रोजी विनाशकारी पूर आला. पण, या ठिकाणी पूर येणे सुरूच आहे. या पुरात पाच जणांचा मृत्यू झाला आहे.
व्हिडीओमध्ये नमूद केलेली तारीख 2024-06-16 होती
आम्हाला vk.com वर अपलोड केलेला व्हिडीओदेखील सापडला, जो एक रशियन सोशल मीडिया प्लॅटफॉर्म आहे.
व्हिडीओचे शीर्षक होते (अनुवाद) : Meizhou (Guangdong, China, 06/16/2024) मध्ये पूर.
सीसीटीव्ही फाइल्सवर नमूद केलेल्या तारखेचा स्पष्ट उल्लेख आहे. क्लिप जून महिन्यातील आहे; पण वायनाड भूस्खलनाची घटना ३० जुलै रोजी घडली होती. त्यावरून असे सूचित होते की, व्हायरल दावे दिशाभूल करणारे आहेत.
आम्हाला एक बातमी अहवालदेखील सापडला; ज्यामध्ये व्हायरल होणाऱ्या व्हिडीओचे व्हिज्युअल होते. हा व्हिडीओ बातम्यांच्या अहवालात एम्बेड केला गेला होता.
निष्कर्ष :
चीनमध्ये जूनच्या सुमारास आलेल्या भीषण पुराचा व्हिडीओ वायनाडमधील पुराचा व्हिडीओ असल्याचे सांगून व्हायरल केला जात आहे. त्यामुळे व्हायरल होणारे दावे खोटे आहेत.
