Karachi University Viral Video: पाकिस्तानच्या कराची मधील एक अत्यंत धक्कादायक व्हिडीओ सोशल मीडियावर प्रचंड चर्चेत आला होता. ज्यामध्ये एक दुचाकीस्वार मोटरसायकल चालवताना हस्तमैथुन करताना दिसत आहे. महिला विद्यार्थ्यांनी भरलेल्या व्हॅनचा पाठलाग करताना दुचाकीस्वार हस्तमैथुन करत असल्याचे व्हिडिओमध्ये दिसत आहे. व्हॅनमध्ये बसलेल्या एका विद्यार्थिनीने हा व्हिडीओ शूट केला होता.
प्राप्त माहितीनुसार, कराची विद्यापीठातील विद्यार्थिनी ज्या गाडीतून प्रवास करत होत्या तेव्हा एका विकृताने त्यांचा पाठलाग करायला सुरुवात केली होती. मोटारसायकलवरून गाडीचा पाठलाग करत असताना त्या व्यक्तीने ‘रशीद मिन्हास रोडवर’ मुलींसमोर चालत्या दुचाकीवर हस्तमैथुन करण्यास सुरुवात केली. यातील एका विद्यार्थिनीने त्या माणसाचे कृत्य कॅमेऱ्यात रेकॉर्ड करण्यास सुरुवात केली.
Video: धावत्या बाईकवर हस्तमैथुन, तरुणींचा विनयभंग
तुम्ही व्हिडीओमध्ये पाहिले असेल, गाडीच्या मागे जात असताना दुचाकीवर हस्तमैथुन करताना दिसणारा स्वार हेल्मेट घातलेला दिसतो आहे. त्यामुळे त्याचा चेहरा समोर आलेला नाही पण हा व्हिडिओ सोशल मीडियावर तुफान शेअर करण्यात आला होता. व्हिडीओ व्हायरल झाल्यावर नेटकऱ्यांनी सुद्धा अशा विकृतांवर कारवाई करण्याची मागणी जोर धरून लावून लावली होती. सोशल मीडियावरील संताप पाहून अखेरीस पोलिसांनी या घटनेची दखल घेतली आणि सध्या त्या व्यक्तीवर कारवाई करण्यात येणार असल्याचे सांगितले जात आहे.
