Viral Video : सोशल मीडियावर पाटीचे अनेक व्हिडीओ व्हायरल होत असतात. पुण्यातील पाट्या तर विशेष लोकप्रिय आहे. पण सध्या सोशल मीडियावर एक नवीन ट्रेंड आला आहे. तरुण मंडळी हातात एक पाटी धरुन रस्त्यावर उभे राहतात आणि या पाटीवर कधी मजेशीर तर कधी भावुक करणारे मेसेज लिहितात. कधी या पाटीवर समाजाला चांगली शिकवण देणारे मेसेज सुद्धा लिहिलेले दिसतात. या पाट्यांवरील मेसेज पाहून रस्त्यावरून येणारे जाणारे लोक प्रतिक्रिया देतात आणि लोकांच्या या प्रतिक्रिया कॅमेऱ्यात कैद करतात.
सोशल मीडियावर तुम्ही असे अनेक व्हिडीओ पाहिले असेल. सध्या असाच एक व्हिडीओ समोर आला आहे. या व्हिडीओमध्ये एक तरुण हातात पाटी घेऊन उभा आहे. (when you respect women then goddess in temple show grace on you a young man paati goes viral on social media)
या व्हायरल व्हिडीओमध्ये तुम्हाला रस्त्यावर एक तरुण हातात पाटी धरून उभा असलेला दिसेल. या पाटीवर सुंदर संदेश लिहिला आहे. येणारे जाणारे लोक पाटीवरील संदेश वाचून कौतुक करत आहे. लहानांपासून मोठ्यांपर्यंत सर्वच मोठ्या आवडीने पाटीवरील संदेश वाचत आहे. त्या पाटीवर लिहिलेय, “तेव्हाच होईल खऱ्या अर्थाने प्रसन्न मंदिरातील आई माऊली, जेव्हा पडणार नाही तुझी कुठल्याच स्त्रीवर वाईट नजरेची सावली”
या पाटीवरील मेसेज वाचून तुम्हीही थक्क व्हाल. सध्या हा व्हिडीओ तुफान व्हायरल होत आहे.
पाहा व्हायरल व्हिडीओ
_sahil_0919 या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनवर लिहिलेय, “नक्की विचार करा” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “१००% खरंय भावा. जेवढा स्त्रीचा आदर सन्मान कराल… तेव्हा खरच आई अंबाबाई कसलीच कमी पडू देणार नाही” तर एका युजरने लिहिलेय, “शेवटी तीच आई माऊलीचं रुप आहे” आणखी एका युजरने लिहिलेय, “अगदी बरोबर. घरात मोठ्यांनी स्त्रीचा आदर राखला तर घरातला मुलगा बाहेरसुद्धा स्त्रीला सन्मान आदराने बघेल.” अनेक युजर्सनी पाटीवर लिहिलेल्या मेसेजवर सहमती दर्शवली आहे.
