Viral Video : आपल्या जीवनात शिक्षणाचं आणि शिक्षकांचं अनन्यसाधारण महत्व आहे. विद्यार्थ्यांचे पालक शिक्षकांवर विश्वास ठेवून त्यांच्या मुलांना शाळेत पाठवतात; जेणेकरून त्यांच्यावर चांगले संस्कार होतील आणि भावी आयुष्यात ते यशाचे शिखर गाठतील. विद्यार्थ्यांमधील कला, आवड आणि त्यांची क्षमता ओळखून शिक्षक नेहमीच मुलांना घडवत असतात. शिक्षक प्रेमळ मनाचा असला तर मुलांचे दडपण कमी होते. शिक्षणाचा आनंद लुटता येतो आणि वर्गातील वातावरणसुद्धा सकारात्मक राहते. तर आज सोशल मीडियावरसुद्धा असंच काहीसं पहायला मिळालं आहे. एका शाळेत मुलाचा अभ्यास घेताना शिक्षिका त्याला कागदी पंख्याने वारा घालताना दिसून आली.
व्हायरल व्हिडीओ एका गावाच्या शाळेतील आहे. जिथे वर्गात अनेक मुले बसलेली तुम्हाला दिसून येतील. तसेच शिक्षिका वर्गात एका मुलाचा अभ्यास घेत आहे. एक मुलगा शिक्षिकेसमोर उभा आहे. मुलगा पुस्तक टेबलवर ठेवून पुस्तकाचे वाचन करताना दिसून येत आहे आणि शिक्षिका मुलाला शिकवता शिकवता त्याला कागदी पंख्याने वारा घालतानासुद्धा दिसून येत आहे. मुलाने गणवेश परिधान न करता साधे कपडे घातले आहेत आणि वर्गावरून शाळा ग्रामीण भागातील आहे हे स्पष्ट होत आहे. या सर्व गोष्टी असूनही शिक्षिका आपली जबाबदारी चोख पार पाडत आहे. अभ्यास करणाऱ्या मुलाला शिक्षिका कशाप्रकारे प्रोत्साहन देत आहे एकदा व्हिडीओतून तुम्हीसुद्धा बघाच…
व्हिडीओ नक्की बघा :
शिक्षिकेनं पार पाडली जबाबदारी :
शिक्षिकेने मुलाला टेबलाजवळ उभं केलं आहे आणि त्याचे पुस्तक टेबलावर ठेवून, त्याच्या जवळ बसून त्याचा अभ्यास घेताना दिसून येत आहे. अशातच शिक्षिका अभ्यास करणाऱ्या मुलाला कागदी पंख्याने हवासुद्धा घालत आहे. उष्णतेपासून आराम देण्यासाठी शिक्षिका कागदी पंख्याने हवा घालत मुलाचा अभ्यास घेताना दिसून आली आहे ; जे पाहून तुम्हीही काही क्षणासाठी भावुक व्हाल आणि शिक्षिकेचं प्रेम आणि आपुलकी पाहून कौतुक कराल. अनेकवेळा शिक्षक इतके कोमल मनाचे असतात, त्यांच्यात इतकी आपुलकी आणि प्रेम असतं की, ते विद्यार्थ्यांवर आपल्या मुलांसारखं प्रेम करू लागतात. याचं उत्तम उदाहरण तुम्हाला या व्हायरल व्हिडीओमध्ये दिसलं असेल.
सोशल मीडियावर हा व्हिडीओ @tarksahitya यांच्या ट्विटर अकाउंटवरून शेअर करून तुमच्या हिंदी शिक्षकाचे नाव लिहा, असे कॅप्शन देण्यात आले आहे आणि कॅप्शन पाहून प्रत्येक जण आपल्या आवडत्या शिक्षकाचे नाव लिहिताना कमेंटमध्ये दिसून आले आहेत.
