Palestine Muslim Running With Indian Flag: लाइटहाऊस जर्नालिज्मला विविध सोशल मीडिया प्लॅटफॉर्मवर मोठ्या प्रमाणावर शेअर होत असलेला व्हिडिओ समोर आला, ज्यामध्ये पारंपारिक मुस्लिम पोशाख बुरखा परिधान केलेल्या महिला भारतीय ध्वज घेऊन चालताना दिसत आहेत. पॅलेस्टाईनचे मुस्लिम भारतीय तिरंगा हातात घेऊन गाझा पट्टीचा परिसर सोडून निघून जात असल्याचा दावा या व्हिडिओमध्ये करण्यात आला आहे. तिरंगा पाहून इस्रायल या दहशतवाद्यांना मारत नाही म्हणून हा मार्ग निवडला असल्याचेही सांगण्यात येत आहे.
काय होत आहे व्हायरल?
ट्विटर यूजर Shalini Kumawat ने व्हायरल दाव्यासह व्हिडिओ शेअर केला.
इतर वापरकर्ते देखील हा व्हिडिओ शेअर करत आहेत.
तपास:
आम्ही InVid टूलमध्ये व्हिडिओ अपलोड करून आणि त्यातून कीफ्रेम मिळवून आमची तपासणी सुरू केली.आम्ही प्रत्येक फ्रेमवर गूगल रिव्हर्स इमेज सर्च चालवला. यामुळे आम्हाला ‘Fahim Jafri’ नावाच्या YouTube चॅनेलने पोस्ट केलेल्या YouTube व्हिडिओकडे नेले. व्हिडिओचे शीर्षक होते: करबला???अरबैन वॉक 2023
आम्हाला जावाद हुसैन यांच्या इंस्टाग्राम प्रोफाईलवर व्हिडिओ देखील सापडला ज्याने अरबीन वॉक 2023 या कॅप्शनसह व्हिडिओ शेअर केला आहे.
त्यानंतर आम्ही ‘करबला अरबीन 2023’ वर गुगल सर्च केले. आम्हाला अल जझीरा वर एक रिपोर्ट आढळला: अरबीन, इराकमधील जगातील सर्वात मोठ्या तीर्थक्षेत्रांपैकी एक, असे त्याचे शीर्षक होते.
आम्हाला shafaqna नावाच्या एका वेबसाईट वर देखील एक बातमी सापडली, ज्यामध्ये म्हटले आहे की अरबीन 2023 साठी आतापर्यंत सुमारे 3.6 दशलक्ष यात्रेकरू इराकमध्ये दाखल झाले आहेत.
एनडीटीव्हीवरील वृत्तात नमूद केले आहे की भारतातील एक लाखाहून अधिक शिया मुस्लिमांनी अरबेनसाठी करबला येथे प्रवास केला होता.
आम्हाला एक व्हिडिओ देखील सापडला ज्यामध्ये अरबीन वॉक २०२३ दरम्यान भारतीयांना तिरंग्यासह चालताना बघितले जाऊ शकते.
हे ही वाचा<< शिखर धवनने घटस्फोटानंतर पहिल्यांदा शेअर केलेला फोटो पाहून चाहत्यांच्या डोळ्यात पाणी; म्हणाला, “अजीब सी..”
निष्कर्ष: इराकच्या अरबीन वॉक २०२३ मध्ये चालत असलेल्या भारतीयांचा जुना व्हिडिओ पॅलेस्टीन मधील मुस्लिम, भारतीय ध्वज वापरून पॅलेस्टाईनमधून पळून जात आहेत असे सांगत शेअर केला जात आहे.
