सतत कामात बुडालेल्या आणि वाहतूक कोंडीत अडकलेल्या लोकांचे शहर म्हणून बंगळुरूला ओळखले जाते. येथे नेहमी काही नाही काही असे घडते जे सर्वांचे लक्ष वेधून घेते.येथील वाहतूक कोंडीत अडकलेल्या लोकांचे एका पेक्षा एक मजेशीर अनुभव नेहमीच चर्चेत असतात. दरम्यान वाहतूक कोडीमध्येही ऑफिसचे काम करणाऱ्या तरुणीचा व्हिडीओ व्हायरल होत आहे. व्हिडीओ पाहून Work-Life Balance वर नेटकऱ्यांची चर्चा सुरू झाली आहे.
एक्सवर शेअर केलेल्या व्हिडिओमध्ये एक तरुणी रस्त्यावर स्कुटर चालवत आहे आणि त्याचवेळी तीच्या हातातील मोबाईलवर ऑनलाईन ऑफिस मिटिंगमध्ये सहभाग घेत आहे. महिलेच्या आसापास वाहनांची गर्दी झाली असून वाहतूक कोंडी झाल्याचे दिसते. महिलेची एकाच वेळी इतके काम करण्याचे कौशल्य पाहून नेटकरी थक्क झाले आहे. एक्सवर ही क्लिप शान सुंदरने शेअर केली आहे. व्हिडीओ शेअर करताना कॅप्शनमध्ये लिहिले की, “वर्क फ्रॉम ट्रॅफिक, बंगळुरूमधील सामान्य दिवस” व्हिडीओ सध्या सोशल मीडियावर व्हायरल होत आहे.
हेही वाचा – सहा महिन्यानंतर नोकरी सोडून का जातात कर्मचारी? HR Executiveने केला मोठा खुलासा
वाहतूकीचे नियम मोडून स्वत:चा जीव धोक्यात टाकत आहे. असे व्हिडीओ समोर येण्याची ही पहिलीच वेळ नाही. या वर्षाच्या सुरुवातीस, शहराच्या रहदारीच्या रस्त्यावरून स्कूटर चालवत असताना एक व्यक्ती त्याच्या लॅपटॉप मांडीवर ठेवून ऑफिसची झूम मिंटिंग अडेंट करतानाचा व्हिडिओ समोर आला होता. या घटनांमुळे वैयक्तिक आयुष्य आणि काम यांच्यात बिघडलेले संतुलन आणि तंत्रज्ञानाचा आपल्या दैनंदिन दिनचर्येवर होणारा परिणाम याविषयी चर्चा सुरू झाली आहे.
हेही वाचा – विद्यार्थ्यांच्या चेहऱ्यावर हसू आणण्यासाठी शिक्षिकेने केले असे काही…..Viral Video पाहून पोट धरून हसाल!
Mamaearth सह-संस्थापक गझल अलघ यांनी आयुष्य आणि काम यांच्यातील संतुलनाची आवश्यकता आणि प्रत्येक व्यक्तीसाठी ते कसे वेगळे आहे याबद्दल तपशीलवार पोस्ट शेअर केली होती.
