सोशल मीडियाला प्रत्येक तासाला शेकडो व्हिडीओ व्हायरल होत असतील. पण लग्नसोहळ्यातील एका व्हिडीओनं इंटरनेटवर धुमाकूळ घातला आहे. हरियाणाची प्रसिद्ध सोशल मीडिया स्टार सपना चौधरी तिच्या डान्स आणि व्हिडीओमुळं नेहमीच चर्चेत असते. मात्र, तिच्या डान्सलाही टक्कर देईल अशाप्रकारचा भन्नाट डान्स एका महिलेनं केला आहे. लग्न मंडपात सपनाच्या गाण्यांवर डीजेच्या तालावर नाचायला अनेकांना आवडतं. पण साडी नेसून एका महिलेनं केलेला भन्नाट डान्स पाहून नेटकरी वाहवा वाहवा करत आहेत. ‘तेरी आंख्या का ओ काजल” या गाण्यावर महिला थिरकली अन् लग्नात उपस्थित असलेल्या पाहुण्यांच्या नजरा खिळल्या.
महिलेनं या गाण्यावर जबरदस्त ठुमके लगावत लोकांचं मनोरंजन केलं. तिचा हा भन्नाट डान्स कॅमेरात कैद झाला असून इंटरनेटवर हा व्हिडीओ तुफान व्हायरल होत आहे.सपना चौधरीच्या तेरी आंख्या का ओ काजल गाण्यावर या महिलेनं जबरदस्त एनर्जीत डान्स केला आहे. महिला डान्स करण्यात दंग झालेली या व्हिडीओत दिसत आहे. उपस्थित असलेल्या लोकांचा विचार न करता ती तिच्या स्टाईलने गाण्यावर ठुमके लगावताना व्हिडीओत दिसत आहे. Shraddha temre katre नावाच्या युजरने हा व्हिडीओ इन्स्टाग्रामवर शेअर केला आहे.
इथे पाहा व्हिडीओ
हा व्हिडीओ प्रचंड गाजला असून आतापर्यंत जवळपास १ लाखांहून अधिक जणांनी लाईक केलं आहे. तसंच नेटकऱ्यांनी या व्हिडीओला भन्नाट प्रतिक्रियाही दिल्या आहेत. या महिलेच्या डान्सपुढे सपना चौधरीही फेल आहे, असं नेटकऱ्यांचं म्हणणं आहे. संगीत म्हणजे स्वत:ला विसरण्याचा मार्ग आहे, असंही एका नेटकऱ्यानं प्रतिक्रिया देऊन म्हटलं आहे. भोजपुरी गाणं ‘पतली कमरीया मोरो हाय हाय’ या गाण्यावरही अनेक जण भन्नाट डान्स करत असून सोशल मीडियावर व्हिडीओ व्हायरल झाले आहेत.
