Viral Video : सध्या लग्न समारंभ सुरू आहे. सोशल मीडियावर लग्नाशी संबंधित अनेक व्हिडीओ व्हायरल होत आहे. लग्नाची सजावट, नवरी नवरदेवाचा लूक, लग्नातील डान्स-गाण्याचे व्हिडीओ, लग्नातील विविध प्रथा, उखाण्याचे व्हिडीओ, मेहेंदीचे व्हिडीओ, दागिन्यांचे, साड्यांचे व्हिडीओ सध्या चांगलेच चर्चेत आहे. सध्या एका महिलेच्या हातावरची मेहेंदी चर्चेचा विषय ठरली आहे. या महिलेने तिच्या हातावर मेहेंदीच्या मदतीने तिचा लग्नापासून ते घटस्फोटापर्यंतचा संपूर्ण प्रवास सांगितला आहे. तुम्हाला प्रश्न पडला असेल की कसा? त्यासाठी तुम्हाला हा व्हिडीओ पाहावा लागेल. (Woman describes Her sad Marriage Journey Through Unique Mehendi Design video goes viral on social media)
महिलेनी मेहेंदीमध्ये सांगितला दु:खद प्रवास
या व्हायरल व्हिडीओमध्ये तुम्हाला एका महिलेचा हात दिसेल. या हातावर मेहेंदी काढली आहे. मेहेंदीच्या स्वरुपात लग्नापासून ते घटस्फोटापर्यंत प्रवास सांगितला आहे. व्हिडीओत तुम्हाला सुरुवातीला दोन हात एकमेकांशी जुळलेले दिसेल. त्यावर लिहिलेले आहे, एक दिवस जो नेहमी लक्षात राहीन. त्यानंतर खाली लिहिलेय, “लग्नानंतर” त्याखाली एका महिलेचे चित्र रेखाटले आहे आणि तिच्या अंगावर पाय ठेवलेला दिसत आहे. त्याच्या शेजारी एक बादली आणि ब्रश ठेवला आहे. त्यात लिहिलेय, “सून बनली मोलकरीण” त्यानंतर खाली लिहिलेय, “परक्याचे घर आपले मानले, काय चूक होती माझी?” त्याखाली पती पत्नी भांडण करताने चित्र काढले आहे. पुढे एका बाजूला हॉर्ट ब्रेकचे चित्र काढले आहे आणि त्या समोर लिहिलेय, “सासरच्यांनी पण सहकार्य केले नाही.” पुढे एका तरुणीचे चित्र काढले आहे. त्याखाली लिहिलेय, “अखेर घटस्फोट झाला” बोटावर न्यायाचे प्रतिक म्हणून गॅवेल आणि तराजूचे चित्र काढले आहे.
पाहा व्हायरल व्हिडीओ (Watch Viral Video)
urvashis_mehandi_and_makeover या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “अखेर घटस्फोट झाला”
सध्या हा व्हिडीओ तुफान व्हायरल होत आहे. यापूर्वी मेहेंदीचे अनेक हटके व्हिडीओ तुम्ही पाहिले असेल पण असा व्हिडीओ पहिल्यांदाच पाहिला असावा.
