जगात अनेक चमत्कारी घटना घडत असतात. काही घटना तर अशा असतात; ज्या ऐकून लोकांना धक्का बसतो. आज तुम्हाला अशाच एका चमत्कारी घटनेविषयी सांगणार आहोत; ज्यात एक महिला १४,५०० फूट उंचीवरून खाली पडूनही वाचते. आता तुम्हाला आश्चर्य वाटत असेल की, हे कसे काय घडले? इतक्या उंचीवरून पडूनही त्या महिलेचे प्राण वाचले कसे, असा प्रश्न अनेकांना पडला आहे. ही घटना १९९९ सालची आहे. मुंग्यांमुळे वाचला महिलेचा जीव ज्या महिलेबद्दल आपण बोलत आहोत, ती महिला १४,५०० फूट उंचीवरून आकाशातून खाली पडते आणि त्यानंतरही ती जिवंत राहते. ही महिला म्हणजे माजी अमेरिकन स्कायडायव्हर जॉन मरे. सर्वांत आश्चर्यकारक बाब म्हणजे मुंग्यांमुळे ही महिला जिवंत राहू शकली. ती पडल्यानंतर शेकडो मुंग्यांनी महिलेला चावा घेतला नसता, तर तिचा जीव वाचू शकला नसता. या महिलेसाठी मुंग्या अगदी देवदूत ठरल्या. ही महिला थेट मुंग्यांच्या वारुळावर जाऊन पडली. https://twitter.com/Morbidful/status/1729935080225755176?ref_src=twsrc%5Etfw%7Ctwcamp%5Etweetembed%7Ctwterm%5E1729935080225755176%7Ctwgr%5E580a20add141abfc4d9a36b2850a85353eb8466e%7Ctwcon%5Es1_&ref_url=https%3A%2F%2Fwww.timesnowhindi.com%2Fviral%2Fajab-gajab-woman-fell-from-height-of-14500-feet-but-ants-saved-her-life-article-105659180 एका रिपोर्टनुसार जॉन मरेने चेस्टन काउंटी, साउथ कॅरोलिनामधून उडी घेतली; परंतु उडी मारल्यानंतर तिचे मुख्य पॅराशूट उघडलेच गेले नाही आणि फक्त बॅकअप पॅराशूटच उघडू शकले. त्यामुळे ती ताशी ८० मैल वेगाने पृथ्वीवर पडली आणि ती थेट मुंग्यांच्या वारुळावर जाऊन पडली आणि जोरात श्वास घेऊ लागली. मुंग्या जॉन मरेला २०० हून अधिक वेळा चावल्या. मुंग्यांच्या त्या विषारी डंखांमुळे जॉनच्या हृदयापर्यंत सतत वेदना जाणवत होत्या, असे डॉक्टरांचे म्हणणे आहे. त्यामुळे तिचे हृदय सतत जोरजोरात धडकत राहिले. त्यानंतर तिला रुग्णालयात दाखल करण्यात आले; ज्यामुळे तिचे प्राण वाचले, असे डॉक्टरांचे मत आहे.