Viral : तिने केली नवऱ्याच्या डोक्याची ‘मंडई’!

नवऱ्याला मंडईत भाज्या आणायला पाठवणं म्हणजे काही महिलांसाठी डोकेदुखीच असते. घरकामातच एवढा वेळ जातो की मंडईत जाऊन भाज्या आणयला सवड कुठे असते? तेव्हा ‘अहो येताना भाजी घेऊन या!’ असे फर्मान ‘होम मिनिस्टर’कडून सर्रास सोडलं जात. पण स्वारी भाज्या आणायला मंडईत गेली की काहीतरी गडबड करणार हे नक्की! कोणती भाजी हवीय, किती किलो हवी आहे, भाजीवाल्याला किती पैसे द्यायचे, तोलमोल करताना काय अस्त्र वापरायचं अशा शंभर सुचना नवरेबुवांना दिल्या तरी त्यांच्या लक्षात राहतं थोडीच. वांगी सांगितली तर कारली आणतील, मेथी सांगितली तर पालकाची जुडी घेऊन येतील अशी परिस्थिती घरोघरी असते.