सोशल मीडियावर दररोज लाखोंच्या संख्येने व्हिडीओ व्हायरल होत असतात. त्यातले काही व्हिडीओ पाहून आपल्याला प्रश्न पडतो की, माणुसकी अजूनही जिवंत आहे का? या स्वार्थीपणाच्या शर्यतीत माणसं दुसऱ्यांचा विचार करायला विसरलीत का?
सध्या अशीच एक घटना एका ट्रेनमध्ये घडली आहे; ज्याचा व्हिडीओ सोशल मीडियावर व्हायरल होतोय. या घटनेत ट्रेनमध्ये एक महिला समोरच्या सीटवर पाय पसरून बसली आहे. तसंच तिथे दोन तास आसनाच्या प्रतीक्षेत उभ्या असलेल्या माणसाला तिने रिकाम्या आसनावर ठेवलेली तिची बॅग उचलण्यासही मनाई केली. नेमकं घडलं काय… जाणून घेऊ या…
व्हायरल व्हि़डीओ
सोशल मीडियावर व्हायरल झालेला हा व्हिडीओ सध्या चर्चेत आहे. हा व्हिडीओ @sachinnnn_609 या इन्स्टाग्राम अकाउंटवरून शेअर करण्यात आला आहे. या व्हिडीओमध्ये नेमकी घटना काय घडली याबाबत लिहिलं आहे.
“मी आज एका माणसाला पाहिलं, जो दोन तास एका रिकाम्या सीटच्या शेजारी उभा होता. पण समोर बसलेल्या महिलेला त्या रिकाम्या आसनावर मुद्दाम पाय ठेवायचे होते. तसेच तिने तिची बॅगही तिथेच ठेवली होती. जेव्हा मी त्या माणसाला सांगितलं की, माझी बॅग त्या हूकला लाव आणि त्या महिलेची बॅगही त्याच हूकला लाव. पण, त्याच क्षणी महिलेने तिची बॅग हूकला लावण्यास मनाई केली आणि ती बॅग पुन्हा सीटवर ठेवली. यालाच आपण ‘लिंग समानता’ (gender equality) म्हणतो का? तिच्या जागी जर तिथे एखादा पुरुष बसला असता आणि एखादी महिला दोन तास उभी असती, तर त्याने नक्कीच तिला ती सीट बसायला दिली असती.”
युजर्सच्या प्रतिक्रिया
सोशल मीडियावर हा व्हिडीओ व्हायरल होताच अनेकांनी त्यावर आपल्या संमिश्र प्रतिक्रिया दिल्या आहेत. एका युजरने कमेंट करीत लिहिलं, “नाण्याच्या नेहमी दोन बाजू असतात. त्यामुळे महिला आणि त्या माणसात नेमका काय संवाद झालाय ते त्यांनाच माहीत. उगाच निष्कर्ष लावू नका.” दुसऱ्याने आपला अनुभव शेअर करीत प्रतिक्रिया दिली, “अलीकडे जेव्हा मी ओडिशात आलो तेव्हा मलादेखील असाच काहीसा अनुभव आला.” तर, एक जण कमेंट करत म्हणाला, “तिथून तिची बॅग काढून टाका, असं तुम्ही लोक तिला थेट का सांगू शकत नाही. ट्रेन तुमचीही मालमत्ता नाही.”
