आठवडाभर काम केल्यानंतर शनिवार -रविवार कधी येतो असे आपल्याला होते. कारण आपल्या रोजच्या धावपळीतून एक दिवस आपल्याला सुट्टी हवी असते, विश्रांती हवी असते. नोकरी करणाऱ्यांना, शाळा कॉलेजमध्ये जाणाऱ्यांना सर्वांना सुट्टी मिळते पण २४ तास घरात काम करणाऱ्या गृहिणींला मात्रा सुट्टी कधीच मिळत नाही. तुमची आई असो किंवा पत्नी ज्या महिलांना एक दिवस सुट्टी घेतल्याचे पाहिले आहे का? त्यांनी स्वत: देखील कधी सुट्टी घेण्याचा विचार केला नसेल कारण त्यांच्याशिवाय घरातील काम पूर्ण होणार नाही असे त्यांना वाटते. त्यांच्या शिवाय घरातील लोकांची गैरसोय होईल असे त्यांना वाटते. पण एका तरुणाने मात्र आपल्या आईला तिच्या रोजच्या जबदादारीमधून मुक्त करून आयुष्यात पहिल्यांदाच सुट्टी घ्यायला लावली. एवढंच नव्हे तर आपल्या आईला तो सुंदर ठिकाणी फिरायला देखील घेऊन गेला. आयुष्यात पहिल्यांदा सर्व चिंता, काम विसरून बर्फात खेळणाऱ्या या आईचा व्हिडीओ सोशल मीडियावर सध्या व्हायरल होत आहे. तरुणांच्या या कृतीने नेटकऱ्यांचे मन जिंकले आहे, लोक त्याचे कौतूक करत आहे. तरुणांची ह्रदयस्पर्शी पोस्ट लोकांना प्रचंड आवडली आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
