काळ बदलतोय भाऊ! दांडिया नाही; तर महिला चक्क तलवारीने खेळतायत गरबा; पाहा Video….

सध्या सोशल मीडियावर गरब्याचे अनेक व्हिडीओ व्हायरल होत आहेत. गुजरातमधील राजकोटचा एक व्हिडीओही व्हायरल होत आहे. या व्हिडीओमध्ये तुम्ही पाहू शकता की, बुलेटवर एक महिला एन्ट्री घेते. तिने एका हाताने बाईक पकडली असून, तिच्या दुसऱ्या हातात तलवार आहे आणि ती तलवार हवेत फिरवीत कलाबाजी करीत आहे.

व्हिडीओमध्ये पुढे तुम्हाला दिसेल की, एक महिला विंटेज कारमधून येते. तिच्या एका हातात तलवार आहे; ज्याने ती हवेत कलाबाजी करतेय. त्यानंतरचे दृश्य आणखीनच पाहण्यासारखे आहे. महिलांचा एक ग्रुप स्कूटर आणि बाइकवरून येतो. यावेळी एक महिला वाहन चालवते आणि दुसरी महिला मागच्या सीटवरून आपली तलवार हवेत फिरवताना दिसत आहे.

गरबा खेळण्याची कधीही न पाहिलेली स्टाईल

गरबा खेळण्याची ही स्टाईल तुम्ही कधीही पाहिली नसेल; ज्याचा व्हिडीओ सोशल मीडियावर खूप व्हायरल होत आहे. हा व्हिडीओ ANI या ट्विटर अकाउंटवरून शेअर करण्यात आला आहे; ज्याच्या कॅप्शनमध्ये लिहिलेय की, गुजरात राजकोटमधील हा व्हिडीओ आहे; जिथे महिला मोटरसायकल आणि कारमध्ये बसून गरबा खेळत होत्या. यावेळी त्यांनी हवेत तलवार भिरकावत तलवारबाजी केली. या व्हिडीओवर आता युजर्स वेगवेगळ्या प्रतिक्रिया देत आहेत. एका युजरने लिहिलेय की, हे आश्चर्यकारक आहे. तर दुसर्‍या युजरने लिहिलेय की, हे धोकादायक आहे; असे करू नये.