कड्यावर चढता चढता ती अचानक घसरली, दरीत कोसळणार तेवढ्यात…. हृदयाचा थरकाप उडवणारा Video Viralअनेक लोकांना भटकंती करायला, ट्रेकिंग करायला आवडते. अनेकांना ट्रेकिंग वेडे लोक अवघड गड-किल्ल्यावर किंवा कड्यावंर ट्रेकिंग करायला आवडते यासाठी खूर धाडस, कौशल्य आणि तयारी लागते. अनेकदा ट्रेकर्स पूर्ण तयारी करून मगच अवघड ट्रेक करतात. काही ट्रेक इतके अवघड असतात की आपली एक चूक आपल्या जीव गमावण्यासाठी कारणीभूत ठरू शकते. सोशल मीडियावर अशा घटनांचे अनेक व्हिडिओ व्हायरल होत असतात जे पाहून काळजाचा थरकाप उडतो. सध्या अशाच एका व्हिडीओची चर्चा होत आहे.
व्हायरल व्हिडिओमध्ये एका उंच कड्यावर महिला चढताना दिसत आहे आणि अचानक ती घसरते. ती कड्यावरून खालच्या दिशेने काही अंतरावर घसरत जाते पण कसे तरी दगडांना पकडून स्वत:ला दरीत पडण्यापासून रोखते. ती कोणत्याही क्षणी दरी कोसळू शकते अशी स्थिती निर्माण होते दरम्यान तिच्या मदतीसाठी प्रथम एक तरुण येतो आणि तो खडकांना पकडून खाली झोपतो आणि तिच्यापर्यंत आपला पाय जेणेकरून ती त्याचा पाय पकडून वर येईल. जेव्हा प्रथम महिला त्याचा पाय पकडण्याचा प्रयत्न करते तेव्हा त्याचा शूज तिच्या हातात येतो. प्रत्येक क्षणी पुढे काय होईल अशी भीती मनात असते. तेवढ्यात आणखी एक तरुण दोघांच्या मदतीसाठी येतो. तो तरुणाचा हात पकडून ठेवतो. महिला कसे तरी तरुणाचा पाय पकडते आणि त्याच्या मदतीने हळू हळू वरती येण्याचा प्रयत्न करते पण तिचा पाय पुन्हा घसरतो. ती कसे तरी स्वत:ला सावरते. मदतीला आलेला तरुण दोघांना वर खेचून त्यांचा जीव वाचवतो.
महिलेचा जीव थोडक्यात वाचतो. व्हिडिओ पाहून नेटकऱ्यांच्या काळजाचा थरकाप उडत आहे. पण ज्या पद्धतीने ते तरुण महिलेचा जीव वाचवतात ते पाहून नेटकरी थक्क झाले आहे.
व्हिडीओवर कमेंट करत एकाने लिहिले, कोणत्याही साहित्याशिवाय त्यांनी हे कसं करून दाखवले? हे खरंच कौतुकास्पद आहे.
दुसऱ्याने म्हटले की,” ते पाहून माझे हात पाय थरथर कापत होते… ती सुरक्षित आहे याचा आनंद आहे.”
