कोरोना काळापासून घरातून काम करण्याची पद्धत उदयास आली आहे. त्यामुळे अनेक कर्मचारी ऑफिसला जाण्याऐवजी ‘वर्क फ्रॉम होम’ पद्धतीनेच काम करणं पसंद करतात. आता कोरोनाचा संसर्ग संपला असला तरीही अनेकजण घरून काम करण्यालाच पसंती देतात. मात्र, घरुन काम करणाऱ्या कर्मचाऱ्यांबरोबर अनेक मजेशीर किस्से घडतात, या सबंधीच्या अनेक पोस्ट सोशल मीडियावर व्हायरल होत असतात.
सध्या अशीच एक घटना व्हायरल होत आहे. ज्यामध्ये ऑफिसची ऑनलाईन मिटींग सुरु असताना एका महिलेच्या लॅपटॉपचा माईक चुकून सुरु राहतो, त्यामुळे तिच्या मॅनेजरने तिला असा काही मेसेज केला आहे. जो पाहून अनेकांना आपलं हसू आवरणं कठीण झालं आहे. त्यामुळे घरुन काम करताना योग्य ती खबरदारी नाही घेतली तर अशा प्रसंगाना सामोरं जावं लागू शकतं असं नेटकरी म्हणत आहेत.
हेही पाहा- बाजारात आली आहे ‘दारु विक्री मशीन’; ATM मधून पैसे येतात तशी बाहेर येणार दारुची बॉटल, पाहा Video
ज्या महिलेसोबत ही घटना घडली आहे तिचं नाव वंदना जैन असं आहे. या महिलेने स्वत: तिच्याबरोबर घडलेला किस्सा शेअर केला आहे. तिने सांगितले की, मी घरातून एका ऑनलाईन मिटींगमध्ये सहभागी झाले होते. यावेळी मी चिप्स खात होते, पण यावेळी मी माझ्या लॅपटॉपचा मायक्रोफोन चालू होता त्यामुळे मी चिप्स खात असल्याचा आवाज माझा संपूर्ण टीमला जात होता. जो एकून अनेकांना हसू आवरता येत नव्हतं.
हेही पाहा- विराट कोहलीला अश्रू अनावर, शुबमनच्या शतकानंतर बॉटल उडवली आणि मग…, तो फोटो Viral
शिवाय याबाबत मला माझ्या मॅनेजरने ग्रुप चॅटवर मेसेज केला होता. ज्यामध्ये, “तुझ्या चिप्स खाण्याचा आवाज मोठ्याने येतोय, कृपया तुझा माईक बंद कर” असं सांगितलं होतं. पण तीने तो मेसेज उशीरा बघितल्यामुळे तिची चांगलीच फजिती झाली. या महिलेने तिच्या लॅपटॉपसह ती खात असलेल्या चिप्स पॅकेटचा फोटो ट्विट केला आहे. शिवाय मॅनेजरने पाठवलेला मेसेजचा स्क्रिनशॉटदेखील तिने शेअर केला आहे.
ही पोस्ट आतापर्यंत ३ लाखांहून अधिक वेळा पाहिली गेली आहे. तर अनेकजण यावर प्रतिक्रिया देत आहेत. शिवाय अनेकजण त्यांच्यासोबत घडलेले किस्से कमेंट बॉक्समध्ये शेअर करत आहेत. तर काहींनी पोस्टबद्दल त्यांचे मत व्यक्त करण्यासाठी मिम्सचा वापर केला आहे. एकाने कमेंटमध्ये लिहिलं आहे, “मी पण कोणी ऐकत नसल्यासारखा चहा पित असताना माझा मॅनेजर नम्रपणे म्हणाला “विभाकर तु तुढा माईक बंद करतोस का?”
