लहान मुलं सांभाळणे ही अजिबात सोपी गोष्ट नाही. सतत लक्ष ठेवावे लागते. जरा लक्ष इकडे तिकडे होईपर्यंत मुलं काही ना काही उद्योग करून ठेवतात. पण पालकच निष्काळजीपणा करत असतील तर मुलांच्या जीव धोक्यात येऊ शकतो. अनेकदा पालक अशा गोष्टी करतात ज्यामुळे मुलांच्या जीवाला धोका निर्माण होऊ शकतो. सध्या अशाच एका घटनेचा व्हिडिओ सोशल मीडियावर व्हायरल होत आहे. व्हायरल व्हिडीओमध्ये एका रेल्वेस्थानकावरील आहे. सरकता जीना चढताना दोन महिला एका चिमुकल्याचा आणि स्वत:चा जीवही धोक्यात घालत आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

सरकते जीने आज काल सर्वत्र पाहायला मिळतात. मॉलमध्ये, रेल्वे किंवा मेट्रो स्टेशनवर. या सरकत्या जीन्यामुळे लोकांचे जीना चढण्या-उतरण्याचे कष्ट कमी होतात पण अनेकदा तांत्रिक बिघाड झाल्याने हे जीने बंद पडतात किंवा योग्य काळजी न घेतल्यास मोठा अपघातास कारणीभूत ठरू शकतात त्यामुळे सरकता जीना चढताना योग्य काळजी घेणे महत्त्वाचे असते. अनेक लोकांना सरकत्या जीन्यावर चढताना भिती वाटते तर अनेकांना मज्जा वाटते. सध्या व्हायरल व्हिडीओमध्ये रेल्वेस्थानकावरील सरकत्या जीन्यासमोर एक लहान मुलगा आणि दोन महिला दिसत आहे. चिमुकल्याला जीन्यावर चढण्याची भिती वाटत आहे त्याच्याबरोबर असलेल्या महिला त्याची भिती दूर करून त्याला जीन्यावर चढण्यासाठी प्रोत्साहन देण्याएवजी त्याची मज्जा घेताना दिसतात. दोघी त्याला हाताला पकडून उचलतात आणि जीन्यावर चढतात. पण जीन्यावर चढल्यानंतर दोघीही खाली बसतात आणि त्यांचा तोल जातो. दोन्ही महिला खाली पडतात पण त्या चिमुकल्याला देखील पाडतात. हा व्हिडिओ सोशल मीडियावर चर्चेत आला आहे.

हेही वाचा – पाकिस्तानात नाश्त्याला काय खातात? Video पाहूनच अनेकांना आल्या उलट्या; असं काय आहे तुम्हीच पाहा

व्हिडिओ सोशल मीडियावर तुफान व्हायरल होत आहे. एक्सवर हा व्हिडिओ @divyakumaari नावाच्या अकाऊंटवर पोस्ट केला आहे. व्हिडिओ पोस्ट करताना कॅप्शनमधये लिहिले आहे की, अरे “हा सरकता जीना खूप धोकादायक असतो. निष्काळजीपणा करू नका, लेकराचा जीव गेला असता”

हेही वाचा – बाबो! उकळत्या तेलात घातला हात अन् चेहरा…; Video तील ते दृश्य पाहून तुम्हीही व्हाल अवाक्

व्हिडिओ पाहून नेटकऱ्यांनी संताप व्यक्त केला आहे. एकाने कमेंट करत म्हटले, “रील बनवण्याच्या नादात जीव गेला असता.”
दुसरा म्हणाला, “रीलच्या नादात लेकराच्या जीवाची देखील काळजी घेत नाही, मूर्ख लोक”

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Women put childs life in danger while climbing the escalator at the railway station video viral snk