Women’s Day 2019 : १४ महिला, १४ भाषा आणि १४ विचार, गुगलचा नारीशक्तीला सलाम

जागतिक महिला दिनानिमित्त गुगलनं विषेश डुडल तयार केलं आहे. या डुडलमध्ये जगभरातील चौदा प्रभावी महिलांच्या विचारांचा समावेश आहे. डुडलच्या प्रत्येक स्लाइडवर जगभरातील विवध महिलांचे विचार मांडण्यात आले आहे. हे विचार प्रत्येक महिलांना प्रेरणा देणारे असेच आहेत.

भारत, जपान, अमेरिका, मॅक्सिको, जर्मनी, ब्राझील, रशिया मधल्या विविध क्षेत्रात आपल्या कामानं ठसा उमटवणाऱ्या महिलांचा समावेश डुडलमध्ये करण्यात आल्या आहे.

लेखक, कवयत्री, अंतराळवीर, डॉक्टर, खेळाडू अशा विविध महिलांचे प्रभावी विचार अतिशय नेमकेपणानं डुडलमधून मांडण्यात आले आहेत.