Viral Video: तुमच्या वागण्याचा दुसऱ्यांवर चांगला,वाईट असा प्रभाव पडत असतो. तुम्ही समोरच्या व्यक्तीबरोबर जसे वागलं तशीच समोरची व्यक्ती तुमच्याबरोबरही वागते. जर तुम्ही एखाद्या व्यक्तीशी वाईट वागत असाल तर त्याच्याकडून चांगल्यापणाची अपेक्षा ठेवणं चुकीचं आहे. तर आज सोशल मीडियावर याचसंबंधित एक व्हिडीओ व्हायरल होत आहे. यामध्ये तरुणाचा दयाळूपणा पाहायला मिळाला आहे. तरुणाने बिल्डिंगच्या सुरक्षा रक्षकाची एक इच्छा पूर्ण केली आहे ; जी संध्या अनेकांचे मन जिंकत आहे. अनिश भगत सोशल मीडिया इन्फ्लुएन्सर आहे ; जो इन्स्टाग्रामवर विविध कन्टेन्ट बनवतो. तर आज तरुण खास व्हिडीओ घेऊन आला आहे ; ज्यात त्याने त्याच्या बिल्डिंगच्या सुरक्षा रक्षकाची एक इच्छा पूर्ण केली आहे. सुरक्षा रक्षक ब्यास ६५ वर्षांचे आहेत. या वयात त्यांना काम करताना पाहून तो एकेदिवशी त्यांना विचारतो 'तुम्ही या वयात का काम करत आहात?' तेव्हा सुरक्षा रक्षक सांगतो की, 'मला एकच मुलगा आहे आणि त्याने मला सोडून दिले आहे.' तर यावर तरुण म्हणतो की, 'एक दिवसासाठी मी तुमचा मुलगा आहे असे समजा आणि तुमची एक इच्छा मला सांगा'. तर यावर सुरक्षा रक्षक काय उत्तर देतात व्हायरल व्हिडीओतून तुम्हीसुद्धा बघा. हेही वाचा…रेल्वे प्रशासनाचा निष्काळजीपणा! शाकाहारी जेवणात आढळलं झुरळ अन्…; पाहा थक्क करणारा ‘हा’ VIDEO व्हिडीओ नक्की बघा… https://www.instagram.com/reel/C7q2ckWoIBe/?utm_source=ig_embed&utm_campaign=loading व्हिडीओत तुम्ही पहिली असेल की, सुरक्षा रक्षक आधी तरुणासमोर बोलायला घाबरतो. पण, नंतर 'मला राम मंदिराला भेट देण्याची इच्छा आहे' असे तरुणाला सांगतो. तरुण हे ऐकून त्याच रात्री तिकीट बुक करतो, स्वतःचे कपडे बॅगेत भरतो आणि सुरक्षा रक्षक यांना फोन लावतो. सुरक्षा रक्षक सुद्धा त्यांचे कपडे बॅगेत भरतात आणि दोघांचा प्रवास सुरु होतो. पुण्याहून लखनौला ते दोघे विमानाने जातात. सुरक्षा रक्षक यांचा हा पहिलाच विमान प्रवास असतो.विमान प्रवास ते अयोध्येतील श्री रामाचे दर्शन घेण्यापर्यंतचा हा प्रवास पाहून तुमच्याही डोळ्यात चटकन पाणी येईल. अयोध्येत श्री राम मंदिराला भेट दिल्यानंतर सुरक्षा रक्षक तिथे प्रार्थना करतात. सोशल मीडियावर हा व्हिडीओ @anishbhagatt या इन्स्टाग्राम अकाउंटवरून शेअर करण्यात आला आहे. हा व्हिडीओ पाहून एका युजरने कमेंट केली आहे की, 'प्रत्येक वडिलांना असा एक मुलगा असला पाहिजे'. तसेच अनेक जण विविध शब्दांत या तरुणाचे कौतुक करताना कमेंटमध्ये दिसून आले आहेत. एकूणच सोशल मीडियावर या व्हिडीओने अनेकांचे लक्ष वेधून घेतले आहे.
