साप पकडायचा, त्याला कसेही हाताळत फोटो काढून घ्यायचे व आपल्या धाडसीपणाचे फोटो फेसबुक, व्हॉटस्‌ॲपवरून झळकवायचे, हे आता फॅड झालंय. साप छोटा असो वा मोठा, तो समोर आला तर तो पाहून अनेकांची धांदल उडते. हेच कारण आहे की लोक अशा ठिकाणी अजिबात जात नाहीत, जिथे हा विषारी प्राणी येतो आणि जातो. पण काही लोक थोडे विक्षिप्त प्रकारचे असतात. अशाच एका तरुणाच्या चुकीच्या पद्धतीनं साप पकडणं चांगलंच अंगलट आलंय. हा व्हिडीओ सध्या जोरदार व्हायरल होत आहे.
रानावनातले, शेतातले, झाडी झुडपातले साप पकडणाऱ्याच्या नादालाच लागायचे नसते; पण साप नागरी वस्तीत आला तर त्याचे काय करायचे? हा प्रश्‍नच असतो. सापाला मारणे हा गुन्हा ठरू शकतो. या पार्श्‍वभूमीवर काही सर्पमित्र जरूर त्या ठिकाणी धाव घेतात. सापाला व्यवस्थित पकडतात व त्याला नैसर्गिक अधिवासात सोडून देतात. परंतु, काही चमको सर्पमित्र मात्र साप पकडतात. त्याला खेळवतात. साप आपल्याला काही करू शकत नाही किंवा आपण सापाला घाबरत नाही, असे दाखवण्यासाठी नागाच्या फण्याजवळ आपले तोंड नेतात. त्याला मुद्दाम डिवचतात.हे करताना अनेक तथाकथित सर्पमित्रांनी सर्पदंश व त्याचे परिणाम अनुभवले आहेत. या व्हिडीओमध्येही एक तरुण सापाला चक्क झाडूने मारतोय. मात्र हे करणं त्याच्या चांगलंच अंगलट आलंय.
मात्र पुढच्याच क्षणी साप उडी मारुन दुसऱ्याच्या अंगावर जातो. यावेळी त्याच्याही चांगलीच धांदल उडते. हा व्हिडीओ पाहून तुम्हालाही हसू आवरणार नाही.
पाहा व्हिडीओ
हेही वाचा – जीव धोक्यात घालून तरुणाची बाईकवर स्टंटबाजी; हायवेवर भीषण अपघाताचा VIDEO होतोय व्हायरल
हा व्हिडीओ सोशल मीडियावर तुफान व्हायरल झाला असून अनेकांचं लक्ष वेधून घेत आहे. नेटकरीही यावर संमिश्र प्रतिक्रिया देत आहेत.
