महाराष्ट्रात जसा गणेश उत्सव साजरा केला जातो त्याचप्रमाणे केरळमध्ये ओणम हा सण उत्साहात साजरा केला जातो. ओणम हा कापणीच्या हंगामातील सण आहे. ओणम हा मल्याळी लोकांचा सण आहे. या दिवसांमध्ये केरळमध्ये ठिकठिकाणी नद्या व तळ्यांमध्ये होणाऱ्या बोटींच्या शर्यती पार पाडतात. विष्णुच्या वामण अवतार आणि बळीराज्याच्या कल्पित आगामनानिमित्ताने हा सण साजरा केला जातो. गणेशोत्सवाप्रमाणेच हा दहा दिवसांचा सण आहे. मल्याळी कॅलेंडरमधील चिङ्ग्यम महिन्यातील पहिल्या दिवसापासून म्हणजेच मराठी कॅलेंडरनुसार गणेश चतुर्थीपासून या सणाची सुरुवात होते. विष्णुच्या मंदिरात जाऊन यावेळी लोक त्यांची पुजा करतात. उत्सवाच्या या दहा दिवसात अनेक ठिकाणी सांस्कृतिक कार्यक्रम आयोजित केले जातात. यामध्ये कथकलीसारखे शास्त्रीय नृत्य सादर केले जाते. ओणम सणानिमित्त तरुण-तरुणी पारंपारिक पोषाख परिधान करतात. सध्या ओणमनिमि्त्त कॉलेजमध्ये साडी नेसून आलेल्या तरुणींचा डान्स व्हिडीओ व्हायरल होत आहे. प्रसिद्ध दाक्षिणात्य अभिनेता महेश बाबूच्या गाण्यावर तरुणींनी अफलातून डान्स केला आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
