Viral Video : सोशल मीडिया दर दिवशी अनेक गोष्टी व्हायरल होत असतात. काही गोष्टी अचंबित करणाऱ्या असतात तर काही गोष्टी थक्क करणाऱ्या असतात. काही गोष्टींपासून खूप काही शिकायला मिळते तर काही गोष्टी प्रेरणा देणाऱ्या असतात. सध्या असाच एक व्हिडीओ समोर आला आहे. या व्हिडीओमध्ये तुम्हाला दिसेल की काही तरुण एका ठिकाणी अडकलेल्या गाढवाला सुखरूप नदीकाठी घेऊन येतात आणि त्याचे प्राण वाचवतात. माणुसकी दाखवणारा हा व्हिडीओ पाहून तुम्हीही थक्क व्हाल. सध्या हा व्हिडीओ चांगलाच व्हायरल होत आहे. (Youngsters show humanity they saved a donkey by giving life jacket video goes viral)
तरुणांनी दाखवली माणुसकी
या व्हायरल व्हिडीओमध्ये तुम्हाला एक नदी दिसेल. व्हिडीओत तुम्हाला दिसेल की काही तरुण मंडळी एका नावेतून नदीची सैर करताना दिसत आहे. तितक्यात त्यांचं लक्ष नदीच्या एका बाजूच्या खडकांकडे जाते. तिथे एक गाढव अडकलेले त्यांना दिसते. तेव्हा हे सर्व तरुण नाव त्या खडकाकडे वळवतात आणि त्या गाढवाला आपलं लाइफ जॅकेट देत नावेत बसवतात. त्यानंतर त्याला नदी किनारी आणून सोडतात. स्वत:चं लाइफ जॅकेट देऊन गाढवाचा जीव वाचवणाऱ्या या तरुणावर सध्या सोशल मीडियावर कौतुकाचा वर्षाव होत आहे.
हेही वाचा : परदेशी महिलेला पाहून आजोबांचा सुटला ताबा; सेल्फी घेताना महिलेला किस केलं अन्…, VIDEO पाहून बसेल धक्का
पाहा व्हायरल व्हिडीओ (Viral Video)
lay_bhari_official या इन्स्टाग्राम अकाउंटरवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “माणसांप्रमाणेच प्राण्यांनाही जीव लावता यायला हवा !” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “एक नंबर भावांनो” तर एका युजरने लिहिलेय, “हे माणूस नाही तर देव आहेत.” आणखी एका युजरने मिश्किलपणे लिहिलेय, “गाढवाला भारी वाटलं असेल.” या व्हिडीओवर अनेक युजर्सनी या तरुणांवर कौतुकाचा वर्षाव केला आहे. यापूर्वी असे अनेक व्हिडीओ व्हायरल झाले आहे. अनेक जण अडकलेल्या प्राण्यांना स्वत:चा जीव धोक्यात घालून वाचवताना दिसले आहे.
