‘चिफ ऑफ स्टाफ’च्या भरतीबाबत झोमॅटोच्या सीईओनी केला नवा खुलासा! वाचा काय म्हणाले दीपिंदर गोयल?

नोव्हेंबर २०२४ मध्ये, गोयल यांनी चीफ ऑफ स्टाफच्या या पदाच्या भरतीची घोषणा केली होती ज्यामध्ये उमेदवारांना या पदाच्या नियुक्तीसाठी २० लाख रुपये शुल्क भरावे लागणार होते असे सांगण्यात आले होत. पण नंतर उमेदवारांकडून असे कोणतेही शुल्क आकारण्यात आले नाही असे स्पष्ट करण्यात आले. हे शुल्क आकरण्यात आल्याचे सांगण्यामध्ये या पदासाठी उत्साही उमेदवार शोधणे हाच हेतू होता.

बुधवारी X वरील एका पोस्टमध्ये गोयल यांनी माहिती दिली की, या पदाच्या भरती प्रक्रियेसाठी व्यापक तपासणी आणि मुलाखत प्रक्रिया पार पडली, ज्यामध्ये १५० उमेदवारांनी टीमची भेट घेतली. निवडलेल्या व्यक्तींमध्ये स्टार्टअप्सना सुरुवात करणारे उद्योजक, व्यापक तांत्रिक कौशल्य असलेले अभियंते(इंजिनिअर) आणि व्यवसाय कार्यक्षमतेने वाढवण्यास सक्षम असलेले ऑपरेशनल तज्ज्ञ (operational experts )यांचा समावेश आहे. याव्यतिरिक्त, निवडलेल्यांमध्ये अनेक आशादायक तरुण पदवीधर होते, ज्यांच्याकडे नवीन दृष्टिकोन आणि नाविन्यपूर्ण विचारसरणी होती.

गोयल यांच्या मते, “या उमेदवारांचे वेगळेपण हे त्यांच्या दीर्घकालीन धोरणात्मक मानसिकतेतून दिसून आले. त्यांनी तात्काळ फायद्यांऐवजी दीर्घकालीन फायद्यांना प्राधान्य दिले पाहिजे, हे ओळखून की लहान, सातत्यपूर्ण प्रयत्नांमुळे कालांतराने लक्षणीय, संचयी परिणाम मिळू शकतात यावर भर दिला.

झोमॅटोचे सीईओ दीपिंदर गोयल सांगितले की, नवीन उमेदवार केवळ जलद फायदा मिळविण्यापेक्षा, कालांतराने वाढणारा कायमस्वरूपी प्रभाव निर्माण करण्यावर लक्ष देत होते. दीर्घकालीन विचारसरणीचे मूल्य समजून घेणारे उमेदवार सापडणे हे दुर्मिळ आहे आणि मी त्यासाठी कृतज्ञ आहे.

आधीच नियुक्त केलेल्या १८ जणांपैकी चार जण थेट गोयल यांच्याबरोबर काम करणार आहेत, तर दोघे चीफ ऑफ स्टाफच्या पदासाठी काम करत आहेत. कंपनी उर्वरित अर्जांची तपासणी करत आहे, ही एकदाच भरती करण्याऐवजी दीर्घकालीन गुंतवणूक आहे यावर भर देत आहे.

गोयल म्हणाले, “आणि आम्ही काम पूर्ण केलेले नाही. १८,०००+ अर्जांसह, आम्ही अजूनही या अद्भुत प्रतिभावंत समूहाची काळजीपूर्वक तपासनी करत आहोत. कंपनी भविष्यातील प्रगतीमध्ये महत्त्वपूर्ण योगदान देणाऱ्या व्यक्तींना आणण्यासाठी वचनबद्ध आहे.”

“ही फक्त एकदाच केलली भरती करण्याची प्रक्रिया नाही. ही आमच्याबरोबर भविष्य घडवणाऱ्या लोकांमध्ये दीर्घकालीन गुंतवणूक आहे. आम्ही हळूहळू पण निश्चितपणे योग्य लोकांपर्यंत पोहोचत राहू,” असे गोयल म्हणाले.