मेष

सिंह राशीतून होणारी अमावास्या तुमच्या पंचम स्थानात असेल. ५ सप्टेंबर रोजी शुक्र तूळ राशीत व मंगळ कन्या राशीत प्रवेश करेल. शुभ ग्रहावरून चंद्राचे होणारे भ्रमण अत्यंत प्रभावशाली राहील. श्रीगणेशाचे आगमन मोठ्या उत्साहाने कराल. वैचारिक गोंधळ कमी होईल. चांगल्या कामासाठी ठरवलेले ध्येय निश्चित गाठाल. दिनांक ८, ९  रोजी अनोळख्या व्यक्तींवर विश्वास ठेवू नका व कायदा क्षेत्राच्या नियमाचे पालन करा. नोकरदार वर्गाने कोणतेही निर्णय लांबणीवर टाकू नका. व्यवसायातून प्रगतीचे वेगळे मार्ग दिसू लागतील. केलेल्या प्रयत्नांना यश मिळेल. आर्थिक बाबतीत खर्च करताना निष्काळजीपणा टाळा. सार्वजनिक क्षेत्रात नेतृत्व हाती येईल. तरुण वर्गाला विवाहाचे प्रस्ताव येतील. घरगुती वातावरण आनंदीमय असेल. शारीरिक स्वास्थ्य सुधारेल.

शुभ दिनांक : १०, ११

महिलांसाठी : आध्यात्मिक गोष्टीत मन रमेल.

स्मिता अतुल गायकवाड