Video : मी अपीलही केलं नव्हतं, खरी हॅटट्रिक विराटचीच – बुमराह

या आव्हानाचा पाठलाग करताना भारताचा जसप्रीत बुमराह याने मोठा पराक्रम केला. कसोटी क्रिकेटमध्ये हॅटट्रिक टिपणारा तिसरा भारतीय ठरण्याचा मान त्याला मिळाला. पण या मान त्याला विराट कोहलीमुळे मिळाला असून ही हॅटट्रिकदेखील कोहलीचीच आहे, असे एक विधान त्याने दिवसाचा खेळ संपल्यावर केले. विराट बुमराहची अनौपचारिक मुलाखत घेत असताना त्याने हे कबुल केले.

विराटच्या हॅटट्रिकच्या प्रश्नाला उत्तर देताना बुमराह म्हणाला की दोन गडी बाद झाल्यावर मी जेव्हा तिसरा चेंडू टाकला, तेव्हा तो चेंडू फलंदाजाच्या बॅटला लागून मग पॅडला लागला आहे असे मला वाटले. त्यामुळे मी चेंडू टाकून झाल्यावर अपील देखील केले नव्हते. पण कर्णधार म्हणून तू (विराट) रिव्ह्यूची मागणी केलीस आणि सुदैवाने ‘डीआरएस’मध्ये तो फलंदाज बाद ठरवण्यात आला. त्यामुळे खरं पाहता ही हॅटट्रिक कर्णधाराचीच आहे.

I owe my hat-trick to you – Bumrah tells @imVkohli @Jaspritbumrah93 became the third Indian to take a Test hat-trick. Hear it from the two men who made it possible

Full video here https://t.co/kZG6YOOepS – by @28anand #WIvIND pic.twitter.com/2PqCj57k8n

— BCCI (@BCCI) September 1, 2019

दरम्यान, वेस्ट इंडिजच्या सात गड्यांपैकी सहा गडी बुमराहने घेतले. त्यात बुमराहने वेस्ट इंडिजचा दुसरा, तिसरा आणि चौथा गडी बाद करून हॅटट्रिक पूर्ण केली. या पराक्रमासह तो कसोटी क्रिकेटमध्ये हॅटट्रिक घेणारा तिसरा भारतीय खेळाडू ठरला. या आधी फिरकीपटू हरभजन सिंगने ऑस्ट्रेलियाविरूद्ध तर इरफान पठाणने पाकिस्तानविरूद्ध हॅटट्रिक घेतली होती.