वसईच्या शार्वी महंतेला १०० टक्के गुण

वसई : वसईच्या बंगली येखील कार्मेलाईट शाळेत शिकणार्‍या शार्वी महंते या विद्यार्थिनीला दहावीच्या परिक्षेत १०० टक्के गुण मिळवले आहेत. पैकीच्या पैकी गुण मिळविणारी ती पालघर जिल्ह्यातील एकमेव विद्यार्थीनी ठरली आहे. भरतनाट्यमचे तिला १४ गुण मिळाल्याने तिला १०० टक्के मिळवता आले.

राज्य माध्यमिक आणि उच्च माध्यमिक मंडळाच्या दहावीच्या परिक्षेचा निकाल सोमवारी लागला. वसईच्या बंगली येथील कार्मेलाईट शाळेत शिकणार्‍या शार्वी महंते या विद्यार्थिनीला १०० टक्के गुण मिळाले आहे. शंभर टक्के गुण मिळविणारी शार्वी पालघर जिल्ह्यातील एकमेव विद्यार्थीनी ठरली आहे.

आणखी वाचा-अनियंत्रित डंपरने दिलेल्या धडकेत दोन महिलांचा मृत्यू, वसईत दोन अपघातांत तिघांचा मृत्यू

शार्वीला एकूण ६ विषयांपैकी ५ विषयात ९६ पेक्षा अधिक गुण मइळाले तर इंग्रजीत ८८ गुण, सोशल सायन्स मध्ये ९७, संस्कृत मध्ये ९९ गुण मिळाले. मात्र तिने भरतनाट्यच्या परिक्षेचे १४ गुण मिळाले होते. त्यामुळे तिच्या गुणांची एकूण टक्केवारी १०० टक्के झाली आहे. ती मागील ७ वर्षांपासून भरत नाट्यम शिकत होती. अभ्यास सांभाळून ती भरतनाट्यमचा सराव करत होती. त्याचा तिला फायदा झाला असे शार्वीची आई समीधाने सांगितले.

शार्वीला आयआयटीत जायचे स्वप्न आहे. त्यासाठी ती इंटिग्रेटेड पध्दतीने महाविद्यालयात प्रवेश घेऊन खासगी शिकवणी वर्ग लावणार आहे. पुढील दोन वर्षे ती जेईईच्या परिक्षेची तयारी करणार आहे.